«وتباسى بانكٸنٸڭ» جەڭٸلدەتٸلگەن باعدارلامالارىنىڭ كٶكتەمگٸ ٸسكە قوسىلۋى دەستٷرلٸ تٷردە جىلجىمايتىن مٷلٸك نارىعىن جانداندىرادى. الايدا قۇرىلىس قۇنى ٶسٸپ جاتقان جاعدايدا قاتاڭ باعا ليميتتەرٸ نارىقتا تەڭگەرٸمسٸزدٸك تۋعىزادى, دەپ حابارلايدى Dalanews.kz.
Qazaq Expert Club قۇرىلىس سالاسىنىڭ ساراپشىسى ديليارا سەيٸتنۇروۆا ٶزٸنٸڭ Telegram -ارناسىندا قۇرىلىس كومپانييالارى جوبالاردى بٸر شارشى مەترٸنە 350–400 مىڭ تەڭگە شەگٸندە سىيدىرۋعا مەجبٷر, ال ناقتى شىعىندار بۇل مەجەدەن ەلدەقايدا جوعارى ەكەنٸن جازدى.
ديليارانىڭ ايتۋىنشا: «مارجينالدىلىقتى 10–15% دەڭگەيٸندە ساقتاۋ ٷشٸن دەۆەلوپەرلەر ەڭ الدىمەن ساپاعا كەتەتٸن شىعىنداردى قىسقارتادى. ەربٸر باعدارلاما ٸسكە قوسىلعان سايىن ەكونوم جەنە كومفورت-كلاسس (III–IV ساناتتار) سەگمەنتٸندە سۇرانىس كٷرت ٶسەدٸ. سونىمەن قاتار شىعىندار دا ارتادى: قۇرىلىس-مونتاج جۇمىستارى مەن ماتەريالدار باعاسىنىڭ يندەكسٸ جىل سايىن تۇراقتى ٶسٸم كٶرسەتٸپ كەلەدٸ. ال مەملەكەتتٸك باعدارلامالارداعى تۇرعىن ٷي قۇنىنىڭ ليميتتەرٸ كەشٸگٸپ يندەكستەلەدٸ».
نەتيجەسٸندە قۇرىلىس كومپانيياسى بەلگٸلەنگەن باعا شەگٸ مەن قۇبىلمالى ٶزٸندٸك قۇننىڭ اراسىندا قالادى. جوبانى قولجەتٸمدٸ تۇرعىن ٷي پۋلىندا ساقتاۋ ٷشٸن ولار «قۇن ينجينيرينگٸنە» جٷگٸنەدٸ, بۇل ٸس جٷزٸندە ارزانداتۋدى بٸلدٸرەدٸ.
«وڭتايلاندىرۋ عيماراتتىڭ نەگٸزگٸ ەلەمەنتتەرٸنە ەسەر ەتەدٸ. ۇزاق مەرزٸمدٸ جەلدەتٸلەتٸن قاسبەتتەردٸڭ ورنىنا كٶبٸنە پەنوپوليستيرول نەگٸزٸندەگٸ “دىمقىل قاسبەت” قولدانىلادى, كەراموگرانيت ەڭ تٶمەنگٸ رۇقسات ەتٸلگەن قالىڭدىقتا تاڭدالادى. ينجەنەرلٸك جەلٸلەر ارزانىراق بالامالارمەن جابدىقتالادى, بۇل 3–5 جىل پايدالانعاننان كەيٸن اپاتتىق جاعدايلار قاۋپٸن ارتتىرادى. ليفت جابدىقتارى بيۋدجەتتٸك مودەلدەرگە اۋىستىرىلادى, دىبىس وقشاۋلاۋ نورماتيۆتەردٸڭ تٶمەنگٸ شەگٸندە (Rw شامامەن 52 دب) ورىندالادى, ال ورتاق پايدالانىلاتىن ورىنداردىڭ ەرلەۋٸ مەن اباتتاندىرىلۋى جەڭٸلدەتٸلەدٸ», – دەيدٸ ديليارا.
ساراپشىنىڭ پٸكٸرٸنشە, جەڭٸلدەتٸلگەن باعدارلامالار نارىقتىڭ نەگٸزگٸ درايۆەرٸ بولىپ قالا بەرەدٸ, الايدا ولاردىڭ قازٸرگٸ ارحيتەكتۋراسى ساپالى ورتا قۇرۋعا ەمەس, ليميت شەگٸندەگٸ «شارشى مەترلەردٸ» كٶبەيتۋگە ىنتالاندىرادى.
«مٷمكٸن شەشٸمدەردٸڭ بٸرٸ – باعا شەكتەرٸن قۇرىلىس ماتەريالدارىنىڭ رەسمي يندەكسٸنە بايلانىستىرا وتىرىپ, ديناميكالىق يندەكساتسيياعا كٶشۋ. سونداي-اق تەك سۇرانىستى عانا ەمەس, جوبالىق قارجىلاندىرۋدى دا مٸندەتتٸ تەحنيكالىق اۋديتپەن بٸرگە سۋبسيدييالاۋ ماڭىزدى. ەگەر تەسٸل ٶزگەرمەسە, 10–15 جىلدان كەيٸن نارىق مورالدىق جەنە فيزيكالىق تۇرعىدان ەسكٸرگەن تۇرعىن ٷي قورىنىڭ ۇلعايۋىمەن بەتپە-بەت كەلۋٸ مٷمكٸن, ال ونى جاڭعىرتۋ شىعىندارى مەنشٸك يەلەرٸ مەن بيۋدجەتكە تٷسەدٸ», – دەپ تٷيٸندەدٸ ديليارا.
