"Ádildik joly" RQB atqarýshy direktory Didar Smaǵulov ózine Reseige ómir boiy kirmeitindei shekteý qoiylǵanyn aitty. Bul týraly ol áleýmettik jelide jazdy, - dep habarlaidy Dalanews.kz.
"RF "FSB" (federaldy qaýipsizdik qyzmeti) maǵan olardyń eline kirýge ómir boiyna tyiym saldy. Kóńil kúiim tústi dei almaimyn, biraq dosyma sol jaqtaǵy zańdy máselesin sheshýde kómektese almaǵanym ókinishti. Shyn máninde, sol maqsatta barýǵa týra keldi", - dedi ol.
"Altaidyń oń jaǵyndaǵy qazaq aýyldaryna baryp, et jeý úshin áli kúresemiz", - dep jazdy ol.
Aita keteiik, Didar Smaǵulov Qazaqstandaǵy jemqorlyq qylmystaryn ashyq jariialap júr. Milliardtaǵan biýdjet aqshasy qaida ketip jatqanyn da búkpesiz aitady.
Buǵan deiin kimderge kirýge tyiym salynǵan?
Eske salaiyq, buǵan deiin depýtat Ermurat Bapige de Reseige kirýge tyiym salynǵany habarlandy.
"Qazaqstandyq sarapshylarmen áńgimelesýden keiin Resei óz aýmaǵyna kirýge tyiym salǵan Qazaqstannyń keibir azamattarynyń esimderin anyqtaýǵa múmkindik týdy. Olardyń qatarynda saiasattanýshylar Dosym Sátpaev pen Dimash Áljanov, qoǵam qairatkerleri Muhtar Taijan men Toǵjan Qojaly, Qazaqstan Parlamentiniń depýtattary Ermurat Bapi men Aidos Sarym bar", - dep jazdy DW basylymy buǵan deiin.
