"ادىلدىك جولى" رقب اتقارۋشى ديرەكتورى ديدار سماعۇلوۆ وزىنە رەسەيگە ءومىر بويى كىرمەيتىندەي شەكتەۋ قويىلعانىن ايتتى. بۇل تۋرالى ول الەۋمەتتىك جەلىدە جازدى، - دەپ حابارلايدى Dalanews.kz.
"رف "فسب" (فەدەرالدى قاۋىپسىزدىك قىزمەتى) ماعان ولاردىڭ ەلىنە كىرۋگە ءومىر بويىنا تىيىم سالدى. كوڭىل كۇيىم ءتۇستى دەي المايمىن، ءبىراق دوسىما سول جاقتاعى زاڭدى ماسەلەسىن شەشۋدە كومەكتەسە الماعانىم وكىنىشتى. شىن مانىندە، سول ماقساتتا بارۋعا تۋرا كەلدى"، - دەدى ول.
"التايدىڭ وڭ جاعىنداعى قازاق اۋىلدارىنا بارىپ، ەت جەۋ ءۇشىن ءالى كۇرەسەمىز"، - دەپ جازدى ول.
ايتا كەتەيىك، ديدار سماعۇلوۆ قازاقستانداعى جەمقورلىق قىلمىستارىن اشىق جاريالاپ ءجۇر. ميللياردتاعان بيۋدجەت اقشاسى قايدا كەتىپ جاتقانىن دا بۇكپەسىز ايتادى.
بۇعان دەيىن كىمدەرگە كىرۋگە تىيىم سالىنعان؟
ەسكە سالايىق، بۇعان دەيىن دەپۋتات ەرمۇرات باپيگە دە رەسەيگە كىرۋگە تىيىم سالىنعانى حابارلاندى.
"قازاقستاندىق ساراپشىلارمەن اڭگىمەلەسۋدەن كەيىن رەسەي ءوز اۋماعىنا كىرۋگە تىيىم سالعان قازاقستاننىڭ كەيبىر ازاماتتارىنىڭ ەسىمدەرىن انىقتاۋعا مۇمكىندىك تۋدى. ولاردىڭ قاتارىندا ساياساتتانۋشىلار دوسىم ساتپايەۆ پەن ديماش ءالجانوۆ، قوعام قايراتكەرلەرى مۇحتار تايجان مەن توعجان قوجالى، قازاقستان پارلامەنتىنىڭ دەپۋتاتتارى ەرمۇرات باپي مەن ايدوس سارىم بار"، - دەپ جازدى DW باسىلىمى بۇعان دەيىن.
