Elimizde jeke mektepterge qoıylatyn talaptar ózgeredi. Bul týraly Almaty qalasyndaǵy jeke mektepterdiń quryltaıshylary, dırektorlarynyń qatysýymen ótken kezdesýde oqý-aǵartý mınıstri Juldyz Súleımenova málimdedi, dep habarlaıdy Dalanews.kz.

Budan bylaı elimizde jeke mektepter tek naqty qajettilik týyndap otyrǵan óńirlerde ashylady. Lısenzıa tek úshaýysymdy mektepterdi, apatty jaǵdaıda turǵan bilim ordalaryn almastyrý maqsatynda memlekettik mektepter jetispeıtin óńirlerge beriledi.

Sonymen qatar, jeke mektepter quryltaıshylarynyń jaýapkershiligi de zań aıasynda jetildiriledi. Olar mektepterdegi bilim sapasy, ustazdardyń biliktiligi jáne oqýshylardyń qaýipsizdigin qamtamasyz etýge jaýapkershilik alady.

Quryltaıshylardyń ǵana emes, mektep dırektorlaryn taǵaıyndaý tártibin de ózgertý josparlanyp otyr. Endi mektep dırektorlaryn burynǵydaı quryltaıshylar tańdamaıdy. Sheshim qabyldaý kezinde salalyq mınıstrlik pen jergilikti atqarýshy organdardyń kelisimi eskeriledi.

Qazirgi tańda elimizdegi 785 jeke mekteptiń qujattary sıfrlandyryldy, jalpy lısenzıasy bar 890 jeke mektep bar.