Bul úshin elimizde buqaralyq sportty barynsha damytý úshin barlyq jaǵdaılar jasalýda.
Osy oraıda búgin Arys qalasy ákimi Qadyrbek Murat Bolatuly Arys qalasynyń týmasy, Qazaqstan Respýblıkasyna eńbegi sińgen sport sheberi, 2016 jyly Rıo-De-Janeıroda ótken Olımpıadanyń kúmis júldegeri Japparqul Jazıra Ábdirahmanqyzyn qabyldady.
Qabyldaý barysynda shahar basshysy M.Qadyrbek J.Japparquldy «Arys qalasynyń qurmetti azamaty» ataǵymen marapattap, aldaǵy ýaqytta álemdik deńgeıdegi jarystarda altyn tuǵyrǵa kóterilip, qazaq eliniń týyn jelbirete berýine tilektestigin bildirdi.
Munan ári, Jazıra Ábdirahmanqyzy qala jastarymen kezdesti. Kezdesýge Jazıranyń ákesi Ábdirahman Japparqululy men tuńǵysh jattyqtyrýshysy Dúısenbek Qarabaıuly qatysyp, Jazıranyń sport salasynda jetken jetistikterinen syr bólisti.
Kezdesý barysynda jastar Jazıra Ábdirahmanqyzyna suraqtar qoıyp, qalamyzdyń sport janashyry R.Baıkov shyn kóńilmen alǵysyn bildirip, aldaǵy dodaly saıystarda bıik belesterden kórinýin jáne myqty densaýlyq tiledi.
Qalalyq ishki saıasat bóliminiń qyzmetkeri Sh.Nurtazaeva jıynǵa qatysýshylarǵa alǵysyn bildirip, Jazıra Japparqulǵa sáttilikter tiledi.
Arys qalasy ákiminiń baspasóz qyzmeti
