ەلباسىمىز نۇرسۇلتان ءابىش ۇلى نازاربايەۆ: «سپورت – ەلدىڭ مەرەيىن اسىرىپ، ابىرويىن تاسىتاتىن سالا» دەپ اتاپ وتكەن بولاتىن.

بۇل ءۇشىن ەلىمىزدە بۇقارالىق سپورتتى بارىنشا دامىتۋ ءۇشىن بارلىق جاعدايلار جاسالۋدا.

وسى ورايدا بۇگىن ارىس قالاسى اكىمى قادىربەك مۇرات بولات ۇلى ارىس قالاسىنىڭ تۋماسى، قازاقستان رەسپۋبليكاسىنا ەڭبەگى سىڭگەن سپورت شەبەرى، 2016 جىلى ريو-دە-جانەيرودا وتكەن وليمپيادانىڭ كۇمىس جۇلدەگەرى جاپپارقۇل جازيرا ءابدىراحمانقىزىن قابىلدادى.

قابىلداۋ بارىسىندا شاھار باسشىسى م.قادىربەك ج.جاپپارقۇلدى «ارىس قالاسىنىڭ قۇرمەتتى ازاماتى» اتاعىمەن ماراپاتتاپ، الداعى ۋاقىتتا الەمدىك دەڭگەيدەگى جارىستاردا التىن تۇعىرعا كوتەرىلىپ، قازاق ەلىنىڭ تۋىن جەلبىرەتە بەرۋىنە تىلەكتەستىگىن ءبىلدىردى.

مۇنان ءارى، جازيرا ءابدىراحمان قىزى قالا جاستارىمەن كەزدەستى. كەزدەسۋگە جازيرانىڭ اكەسى ءابدىراحمان جاپپارقۇل ۇلى مەن تۇڭعىش جاتتىقتىرۋشىسى دۇيسەنبەك قاراباي ۇلى قاتىسىپ، جازيرانىڭ سپورت سالاسىندا جەتكەن جەتىستىكتەرىنەن سىر ءبولىستى.

كەزدەسۋ بارىسىندا جاستار جازيرا ءابدىراحمانقىزىنا سۇراقتار قويىپ، قالامىزدىڭ سپورت جاناشىرى ر.بايكوۆ شىن كوڭىلمەن العىسىن ءبىلدىرىپ، الداعى دودالى سايىستاردا بيىك بەلەستەردەن كورىنۋىن جانە مىقتى دەنساۋلىق تىلەدى.

قالالىق ىشكى ساياسات ءبولىمىنىڭ قىزمەتكەرى ش.نۇرتازايەۆا جيىنعا قاتىسۋشىلارعا العىسىن ءبىلدىرىپ، جازيرا جاپپارقۇلعا ساتتىلىكتەر تىلەدى.

 

ارىس قالاسى اكىمىنىڭ باسپا ءسوز قىزمەتى