MýzART tobynyń ánshisi Sáken kezekti demalysyn ózge ánshiler sekildi shetelde nemese demalys oryndarynda emes, aýylda, egistiktiń basynda ótkizip jatqan kórinedi.
Bul týraly onyń Instagram jelisindegi paraqshasynan belgili boldy.
Budan bir kún buryn Sáken Shymkent mańyndaǵy Sozaq aýdanynda turatyn anasynyń úıine baratynyn habarlaǵan bolatyn.
«Súıeıin qolyńdy ustap, Jumaqtyń jolyn nusqap... Bısmılláh! Ájelerine nemerelerin ıisketýge aýylǵa tarttyq. ALLA - ulyq!», – dep jazdy ánshi paraqshasyna.
Endi, mine, ol nemerelerin ıisketip, mańdaıynan súıgizý úshin anasyna baryp, aýyldaǵy úıindegi sýretterin salyp, jeli qoldanýshylarynyń alǵysyna bólendi.
– Aman-esen anamyzben qaýyshtyrǵan Allaǵa maqtaý bolsyn. Raxat Rákeń men Mákeńdiki bolyp jatyr. Anama sálemderińizdi jetkizdim. Sizderge de batasyn berip jatyr, – dep jazyp, ánshi qart anasynyń sýretin saldy.
Sákenniń aýyldaǵy qyzyqtary munymen bite qoımady. Tyńdarmandar ánshiniń aýylǵa baryp, tek jatpaı, «eńbek etkenine» de kýá boldy. Ol qara shańyraqta júrip, oqyrmandaryn «júgeri jınaý jáne onyń joldarymen» tanystyrmaq boldy.
Egistikte júgeri jınap júrgen jerinen qoldanýshylarǵa ystyq sálem joldady. Bul tusta oqyrmandar Sákenniń taǵy bir qupıasyn bilip qoıdy. Sákenniń júgeri men jońyshqaǵa alergıasy bar eken. Biraq týǵan aýylyna aýnap-qýnaýǵa kelgen ánshi úshin bul kedergi emes sekildi. Betine súlgi jaýap alyp turyp, ánshi «basty jumysyna» kirisip ketti.
