مۋزART توبىنىڭ ءانشىسى ساكەن كەزەكتى دەمالىسىن وزگە انشىلەر سەكىلدى شەتەلدە نەمەسە دەمالىس ورىندارىندا ەمەس، اۋىلدا، ەگىستىكتىڭ باسىندا وتكىزىپ جاتقان كورىنەدى.
بۇل تۋرالى ونىڭ Instagram جەلىسىندەگى پاراقشاسىنان بەلگىلى بولدى.
بۇدان ءبىر كۇن بۇرىن ساكەن شىمكەنت ماڭىنداعى سوزاق اۋدانىندا تۇراتىن اناسىنىڭ ۇيىنە باراتىنىن حابارلاعان بولاتىن.
«سۇيەيىن قولىڭدى ۇستاپ، جۇماقتىڭ جولىن نۇسقاپ... ءبيسميللاh! اجەلەرىنە نەمەرەلەرىن يىسكەتۋگە اۋىلعا تارتتىق. اللا - ۇلىق!»، – دەپ جازدى ءانشى پاراقشاسىنا.
ەندى، مىنە، ول نەمەرەلەرىن يىسكەتىپ، ماڭدايىنان سۇيگىزۋ ءۇشىن اناسىنا بارىپ، اۋىلداعى ۇيىندەگى سۋرەتتەرىن سالىپ، جەلى قولدانۋشىلارىنىڭ العىسىنا بولەندى.
– امان-ەسەن انامىزبەن قاۋىشتىرعان اللاعا ماقتاۋ بولسىن. راxات راكەڭ مەن ماكەڭدىكى بولىپ جاتىر. اناما سالەمدەرىڭىزدى جەتكىزدىم. سىزدەرگە دە باتاسىن بەرىپ جاتىر، – دەپ جازىپ، ءانشى قارت اناسىنىڭ سۋرەتىن سالدى.
ساكەننىڭ اۋىلداعى قىزىقتارى مۇنىمەن بىتە قويمادى. تىڭدارماندار ءانشىنىڭ اۋىلعا بارىپ، تەك جاتپاي، «ەڭبەك ەتكەنىنە» دە كۋا بولدى. ول قارا شاڭىراقتا ءجۇرىپ، وقىرماندارىن «جۇگەرى جيناۋ جانە ونىڭ جولدارىمەن» تانىستىرماق بولدى.
ەگىستىكتە جۇگەرى جيناپ جۇرگەن جەرىنەن قولدانۋشىلارعا ىستىق سالەم جولدادى. بۇل تۇستا وقىرماندار ساكەننىڭ تاعى ءبىر قۇپياسىن ءبىلىپ قويدى. ساكەننىڭ جۇگەرى مەن جوڭىشقاعا اللەرگياسى بار ەكەن. ءبىراق تۋعان اۋىلىنا اۋناپ-قۋناۋعا كەلگەن ءانشى ءۇشىن بۇل كەدەرگى ەمەس سەكىلدى. بەتىنە سۇلگى جاۋاپ الىپ تۇرىپ، ءانشى «باستى جۇمىسىنا» كىرىسىپ كەتتى.
