Almatyda burynǵy bas prokýror Qairat Qojamjarovtyń atalas týysy Talǵat Mahatovqa taǵy bir aiyp taǵyldy, dep habarlaidy Dalanews.kz Time.kz portalyna siltep.
Almaty qalasyndaǵy №2 Bostandyq aýdandyq sotynyń sýdiasy Roman Selitskii Talǵat Mahatovtyń qylmystyq áreketterin 87 betten turatyn úkimge áreń syiǵyzdy. Ózin “QR Qarjy politsiiasy generaly Qairat Qojamjarovtyń inisimin” dep tanystyrǵan Mahatov bir kezderi el aldynda sybailas jemqorlyqpen kúrestiń simvoly sanalsa, búginde qatarynan úsh aýyr úkim boiynsha jazasyn óteýshige ainaldy.
Mahatov buǵan deiin:
• “Karavanshylar” isi boiynsha basty kýáger Medet Jamashevty óltirgeni úshin – 20 jylǵa,
• Qandy Qańtar oqiǵasyna qatysqany úshin – 15 jylǵa,
• Asa iri alaiaqtyq, zańsyz qarý men jarylǵysh zattardy saqtaý, bilik ókiline kúsh qoldaný boiynsha – 11 jylǵa sottalǵan edi.
Barlyq jaza merzimderi biriktirilip, sýdia Selitskiidiń úkimimen Mahatov jalpy 24 jylǵa bas bostandyǵynan aiyryldy.
Million dollarlyq alaiaqtyq
2018 jyly Mahatov Almatyda kásipker Maqsat Aǵaidarovpen kezdesedi. Ol buǵan deiin Tarazdaǵy “Olimpik” sport keshenin memleketke 800 million teńgege satqan edi. Mahatov sol sátte qiturqy jospar oilap taýyp, kásipkerdi salyq organdarynan týyndaýy múmkin máselelermen qorqytyp, olardy sheshý úshin sol kezdegi Bas prokýror (iaǵni, aǵasy Qairat Qojamjarov) arqyly máseleni sheshýge ýáde beredi. Baǵasy — 600 myń dollar.
Senip qalǵan kásipker ulymen birge avtoturaqta riýkzakqa salyp bergen dollardy qolma-qol beredi (sol kezdegi kýrs boiynsha 201 mln teńgeden astam). Birneshe kúnnen keiin Mahatov taǵy 400 myń dollar surap, olardy da iemdenip alady. Barlyǵy — 1 million dollar.
Osylaisha alaiaqtyq jalǵasa beredi…
Mahatov bir aidan soń Qordaida kásipkermen qaita kezdesip, jalǵan áńgime aitady.
“Bas prokýrordyń inisi tender jeńip alypty. Biraq kepildikke 700 mln teńge kerek. Eger kómektesseńder, senderge 5 milliard teńgeniń qosalqy kelisimshartyn berem”, — deidi ol.
Nátijesinde kásipker taǵy da:
• 900 myń dollar,
• 720 myń dollar,
• Jáne keiinirek 214 myń dollardy beredi.
Jalpy, Mahatov bul azamattan 2,9 million dollar (1 milliard teńgeden astam) aqsha alǵan. Aqshanyń birde-bir tiyny aitylǵan maqsattarǵa jumsalmaǵan.
Jalǵan aýdarymdar men halyqaralyq alaiaqtyq
2019 jyly Mahatov Natalia Kobzeva esimdi alaiaqpen tanysady. Ol jalǵan shot-faktýralar jasap, “qolma qol aqsha sheshýmen” ainalysatyn. Mahatov Qytaimen aqsha aýdarý baǵytyn jaqsy biletin. Osy baǵytta taǵy birneshe tulǵalarmen (Kibirov, Shamsýtdinov, Maltsev) bailanys ornatady.
Mahatov olarǵa Qytaiǵa úlken kólemde aqsha aýdarǵandai bolyp kórinetin jalǵan bank qujattaryn jasap beredi. Muny Kobzeva men úsh ret sottalǵan Janna Masimova daiyndaidy.
Nátijesinde:
• Qytaiǵa jalǵan qujatpen 2,9 mln dollar,
• Jalpy jalǵan bank aýdarymdary boiynsha 6,3 mln dollardyń qujaty jasalǵan.
Mahatov bul qujattardy paidalanyp, seriktesterinen qolma-qol aqsha talap etip, ony úsh túrli orynnan alady:
• Parkingte — 650 myń dollar,
• Janarmai beketinde — 1 mln dollar,
• Kafede — qalǵan soma.
Barlyǵy – 2,4 mln dollar.
Keiinirek seriktesteri SWIFT qujattarynyń shynaiy emestigin baiqap, túsinikteme talap etedi. Osy kezde Masimova ózin bank menedjeri retinde tanystyryp, bárin sendiredi. Mahatov bolsa jańa ótirik oilap taýyp, “Bonatti S.p.A. – Qazaqstan filialymen” daý bar ekenin, sony sheshý úshin 2 mln dollar suraidy. Seriktester taǵy da senip qalyp, aqsha beredi.
Jalpy alǵanda, Talǵat Mahatov pen onyń sybailastary Shimarov pen Kibirovtan 2,86 mln dollardy (970 mln teńge) zańsyz jolmen iemdengen.
Bul — búgingi kúni el aýzynda “batyr agent”, “jemqorlyqpen kúresker” retinde belgili bolǵan adamnyń naqty sot úkiminde dáleldengen isteri. Kezinde joǵary laýazym ieleri men yqpaldy tulǵalar senim artqan adamnyń qandai aýqymdaǵy alaiaqtyq shemalardy júrgizip kelgeni endi ǵana anyq kórinip otyr.
