Qurylys 2023 jyldyń maýsymynda bastaldy jáne búginde birqatar jumystar aiaqtaldy. Mektepti 2024 jyldyń sońynda paidalanýǵa berý josparlanýda. Joba boiynsha 326 oryndy zal, 4 sport zaly, bastaýysh synyp oqýshylaryna arnalǵan 2 shaǵyn sport zal qarastyryldǵan. Bastaýysh synyp oqýshylary úshin kirý bólek bolady. Qala basshysy turaq aimaǵy men ainalma joldardy salý úshin qosymsha jerlerdi satyp alý máselelerimen shuǵyl túrde ainalysýdy tapsyrdy.
Almaly aýdanyndaǵy oqýshy oryndarynyń tapshylyǵy jaǵdaiy salystyrmaly túrde jaqsy: oqýshylardyń jalpy kontingenti 37 myń oqýshyǵa shaqqanda oryn tapshylyǵy 1 myńnan sál asady. Búginde aýdanda 42 bilim berý uiymy bar, onyń ishinde 29 mektep memlekettik jáne 13 – jekemenshik.
Eske salsaq, "Jaily mektep" ulttyq jobasyn Qazaqstan Úkimeti 2022 jyly Prezidenttiń "Ádiletti memleket. Birtutas ult. Gúldengen qoǵam" atty Joldaýyn júzege asyrý úshin qabyldaǵan bolatyn. Jobanyń basty maqsaty-apatty nysandardy, úsh aýysymdy oqytýdy jáne orta bilim berý uiymdaryndaǵy oqýshy oryndarynyń tapshylyǵyn joiý.
Buǵan deiin habarlanǵandai, 2025 jylǵa qarai Almatyda 37 100 oryndyq 22 jańa mektep paida bolady.
Ákimdiktiń jobalyq keńsesiniń aqparaty boiynsha, jańa formattaǵy mektepterdiń basym bóligi Alataý jáne Naýryzbai aýdandarynda salynady – 5 oqý orny. Bostandyq aýdanynda – 4 mektep, Túrksib aýdanynda – 3, Áýezov aýdanynda – 2 mektep, al qalǵan aýdandarda-bir mektep salý josparlanýda. Mektepter olardyń tapshylyǵy baiqalatyn jerlerde salynýda.
Jaily mektepterde barlyq bilim alýshylar úshin qolaily jaǵdai jasalady, onyń ishinde esikterdi avtomatty túrde buǵattaýmen kirý jáne shyǵýdy baqylaý júiesin, Face ID jáne QR-kodtardy engizý josparlanýda.
Oqý ornynyń ákimshiligi naqty ýaqyt rejiminde búkil ǵimarat pen mektep aýmaǵyndaǵy jaǵdaidy qadaǵalap otyrý úshin mindetti túrde beinebaqylaý júrgiziledi.
Aýyr riýkzaktar máselesin sheshý úshin mektepterde oqýlyqtardy saqtaýǵa arnalǵan bólek shkaftar ornatylady. Sondai-aq, jobalarda liftter, elektrondy kitaphanalar jáne hokkei korty qarastyrylady. Ár qabatta durys demalý úshin kovorking-aimaqtar jáne aýyz sý burqaqtary ornatylady.
