Túlkibas aýdanynda «Aýdandyq mádeniet úii» ǵimaratynda eńbek kúshin qajet etetin soltústik óńirlerge halqy tyǵyz ornalasqan ońtústik aimaqtarynan azamattardy erikti túrde kóshirý jumystary boiynsha turǵyndarymen kezdesý uiymdastyryldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jalpy 2015 jyldan bergi kórsetkishterge sáikes, jumys kúshi az Soltústik óńirlerge Ońtústik aimaqtardan jalpy sany 14 874 adam qonys aýdarǵan.
Delegatsiia qatarynda Pavlodar oblysynan "Eńbek mobildiligi ortalyǵy" KMM-niń direktory Esembaeva Merýert Seitbekqyzy, «Ýspen aýdandyq mansap ortalyǵy» filialynyń direktory Makataev Serik Qairgeldiuly, Aqtoǵai aýdany ákimdiginiń «Jumyspen qamtý jáne áleýmettik baǵdarlamalar bólimi» KMM-niń basshysy Neǵmetýlla Qolqanat Erlanuly, Efremov aýyldyq okrýginiń ákimi Gapý Saparjan Gapýovna jáne Soltústik Qazaqstan oblysynan «Mamliýt aýdandyq mansap ortalyǵy» filialynyń direktory Samarhanuly Erkin, Ǵ.Músirepov aýdany ákimdiginiń «Jumyspen qamtý jáne áleýmettik baǵdarlamalar bólimi» KMM-niń basshysynyń orynbasary Shegebaev Baian qatysyp, túlkibastyqtardy soltústik óńirlerge qonystanýǵa shaqyrdy.
Is sharaǵa 250 adam qatysyp, onyń ishinde qonys aýdarýǵa keńes alǵandar sany 30 bolsa, kóshýge niet bildirgender sany 8 otbasy boldy. Pavlodar oblystyq "Eńbek mobildiligi ortalyǵy" KMM-niń direktory Esembaeva Merýert Seitbekqyzy Soltústikke qajetti jumys kúsh qataryn tolyqtyrý boiynsha úgit-nasihat júrgizdi.
Memleket Soltústik oblystarǵa qonys aýdarǵandardyń otbasy múshelerine bir ret 70 AEK (258 440 teńge) mólsherinde aqsha, alǵashqy ýaqytta úi jaldaýǵa qarjy beredi. Budan bólek, qysqa ýaqytqa kásibi oqýǵa jiberip, jumysqa ornalastyrýy jáne jeńildikpen baspana alýǵa kómektesýi tiis. Al qonys aýdarǵandarǵa jumys usynǵan jumys berýshilerge 400 AEK (1 476 800 teńge) sýbsidiia beriledi.
Kezdesý sońynda turǵyndar qonys aýdarý boiynsha keńester alyp, ózderin tolǵandyrǵan suraqtaryna jaýap aldy.
