Qaraǵandy oblysyndaǵy Nurqazǵan baiytý fabrikasynda kásiporyn jumyskerlerine arnalǵan jańa blokty-modýldi ákimshilik-turmystyq keshen qurylysynyń bastalýyn bildiretin estelik kapsýlany qalaý rásimi ótti, dep habarlaidy dalanews.kz.
Joba «Qazaqmys korporatsiiasy» JShS-nyń investitsiialyq baǵdarlamasy aiasynda júzege asyrylyp, qyzmetkerlerdiń eńbek jaǵdaiyn odan ári jaqsartýǵa baǵyttalǵan.
Qurylysqa salynatyn investitsiianyń jalpy kólemi 2,39 mlrd teńgeni quraidy. Jalpy aýdany 2 400 sharshy metrden asatyn eki qabatty jańa keshen 567 jumyskerge arnalǵan. Ol óndiristik alańdaǵy áleýmettik-turmystyq infraqurylymnyń eń iri nysandarynyń birine ainalady.
Ǵimaratta sanitariialyq-turmystyq, kir jýý jáne meditsinalyq bloktar ornalasady. Jumyskerler úshin jýynatyn bólmeler, arnaiy kiimdi keptirýge arnalǵan oryndar, avtomattandyrylǵan kir jýý bólimi, demalys bólmeleri, sondai-aq aýysym aldyndaǵy meditsinalyq tekserý, fizioterapiia jáne em-shara kabinetteri bar meditsinalyq pýnkt jabdyqtalady.
Saltanatty rásimge «Qazaqmys korporatsiiasy» JShS Baqylaý keńesiniń tóraǵasy Nurmuhambet Ábdibekov, Basqarma tóraǵasy orynbasarynyń mindetin atqarýshy – taý-ken óndirisi jáne baiytý jónindegi bas operatsiialyq direktor Muqan Úńgitbaev, kúrdeli jobalar jónindegi basqarýshy direktor Maksim Datsenko, kásiporyn basshylary, bas merdigerdiń ókilderi jáne Nurqazǵan baiytý fabrikasynyń jumyskerleri qatysty.
Saltanatty rásimdi ashqan «Qazaqmys korporatsiiasy» JShS Baqylaý keńesiniń tóraǵasy Nurmuhambet Ábdibekov:
«Búgin biz mańyzdy oqiǵanyń kýási bolyp otyrmyz – Nurqazǵan baiytý fabrikasynyń jańa ákimshilik-turmystyq kesheniniń qurylysy resmi túrde bastaldy. Bul jai ǵana kezekti qurylys jobasynyń bastalýy emes. Bul – «Qazaqmys» korporatsiiasynyń jumyskerler úshin zamanaýi, qaýipsiz ári jaily eńbek jaǵdaiyn jasaý jolyndaǵy kezekti qadamy. Sondai-aq eńbek adamyna qamqorlyq jasaý Kompaniianyń basty basymdyqtarynyń biri bolyp qala beretininiń aiqyn dáleli», –dedi.
Kompaniia basshylyǵy men bas merdigerdiń keshenniń bolashaq jumyskerlerine arnalǵan úndeýge qol qoiýy is-sharanyń mańyzdy sátteriniń biri boldy. Qujat estelik kapsýlaǵa salynyp, saltanatty túrde bolashaq ǵimarattyń irgetasyna qalandy. Kapsýlany qurylys tolyq aiaqtalyp, nysan paidalanýǵa berilgennen keiin ashý josparlanǵan.
Ákimshilik-turmystyq keshenniń qurylysy Qazaqmystyń óndiristik jáne áleýmettik-turmystyq infraqurylymdy damytýǵa baǵyttalǵan aýqymdy baǵdarlamasynyń bir bóligi bolyp tabylady. Kompaniia zamanaýi eńbek jaǵdaiyn qalyptastyrýǵa júieli túrde investitsiia salyp keledi jáne turmystyq infraqurylymdy damytýdy ónerkásiptik qaýipsizdikti qamtamasyz etýdiń, qyzmetkerlerge qamqorlyq jasaýdyń jáne jumysshy mamandyqtarynyń tartymdylyǵyn arttyrýdyń mańyzdy quramdas bóligi retinde qarastyrady.
Jańa ákimshilik-turmystyq keshenniń qurylysyn aiaqtap, ony paidalanýǵa berý 2027 jylǵy tamyz aiyna josparlanǵan.
