تۇلكىباس اۋدانىندا «اۋداندىق مادەنيەت ءۇيى» عيماراتىندا ەڭبەك كۇشىن قاجەت ەتەتىن سولتۇستىك وڭىرلەرگە حالقى تىعىز ورنالاسقان وڭتۇستىك ايماقتارىنان ازاماتتاردى ەرىكتى تۇردە كوشىرۋ جۇمىستارى بويىنشا تۇرعىندارىمەن كەزدەسۋ ۇيىمداستىرىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جالپى 2015 جىلدان بەرگى كورسەتكىشتەرگە سايكەس، جۇمىس كۇشى از سولتۇستىك وڭىرلەرگە وڭتۇستىك ايماقتاردان جالپى سانى 14 874 ادام قونىس اۋدارعان.

دەلەگاسيا قاتارىندا پاۆلودار وبلىسىنان "ەڭبەك موبيلدىلىگى ورتالىعى" كمم-نىڭ ديرەكتورى ەسەمبايەۆا مەرۋەرت سەيتبەك قىزى، «ۋسپەن اۋداندىق مانساپ ورتالىعى» فيليالىنىڭ ديرەكتورى ماكاتايەۆ سەرىك قايرگەلدى ۇلى، اقتوعاي اۋدانى اكىمدىگىنىڭ «جۇمىسپەن قامتۋ جانە الەۋمەتتىك باعدارلامالار ءبولىمى» كمم-نىڭ باسشىسى نەعمەتۋللا قولقانات ەرلان ۇلى، ەفرەموۆ اۋىلدىق وكرۋگىنىڭ اكىمى گاپۋ ساپارجان گاپۋوۆنا جانە سولتۇستىك قازاقستان وبلىسىنان «مامليۋت اۋداندىق مانساپ ورتالىعى» فيليالىنىڭ ديرەكتورى سامارحان ۇلى ەركىن، ع.مۇسىرەپوۆ اۋدانى اكىمدىگىنىڭ «جۇمىسپەن قامتۋ جانە الەۋمەتتىك باعدارلامالار ءبولىمى» كمم-نىڭ باسشىسىنىڭ ورىنباسارى شەگەبايەۆ بايان قاتىسىپ، تۇلكىباستىقتاردى سولتۇستىك وڭىرلەرگە قونىستانۋعا شاقىردى.

ءىس شاراعا 250 ادام قاتىسىپ، ونىڭ ىشىندە قونىس اۋدارۋعا كەڭەس العاندار سانى 30 بولسا، كوشۋگە نيەت بىلدىرگەندەر سانى 8 وتباسى بولدى. پاۆلودار وبلىستىق "ەڭبەك موبيلدىلىگى ورتالىعى" كمم-نىڭ ديرەكتورى ەسەمبايەۆا مەرۋەرت سەيتبەك قىزى سولتۇستىككە قاجەتتى جۇمىس كۇش قاتارىن تولىقتىرۋ بويىنشا ۇگىت-ناسيحات جۇرگىزدى.

مەملەكەت سولتۇستىك وبلىستارعا قونىس اۋدارعانداردىڭ وتباسى مۇشەلەرىنە ءبىر رەت 70 اەك (258 440 تەڭگە) مولشەرىندە اقشا، العاشقى ۋاقىتتا ءۇي جالداۋعا قارجى بەرەدى. بۇدان بولەك، قىسقا ۋاقىتقا كاسىبي وقۋعا جىبەرىپ، جۇمىسقا ورنالاستىرۋى جانە جەڭىلدىكپەن باسپانا الۋعا كومەكتەسۋى ءتيىس. ال قونىس اۋدارعاندارعا جۇمىس ۇسىنعان جۇمىس بەرۋشىلەرگە 400 اەك (1 476 800 تەڭگە) سۋبسيديا بەرىلەدى.

كەزدەسۋ سوڭىندا تۇرعىندار قونىس اۋدارۋ بويىنشا كەڭەستەر الىپ، وزدەرىن تولعاندىرعان سۇراقتارىنا جاۋاپ الدى.