Jat aǵymdarmen kúresý úshin tereń bilim qajet
QR Din isteri jáne azamattyq qoǵam ministrliginiń Din isteri komiteti janynan qurylǵan din isteri jónindegi respýblikalyq aqparattyq-nasihattaý tobynyń jumysyna, sondai-aq, QR Din isteri jáne azamattyq qoǵam vitse-ministri Aryn Berik Saqbaiuly, Qazaqstan Respýblikasynyń Prezidenti ákimshiligi ishki saiasat bóliminiń sektor meńgerýshisi Shoikin Ǵalym Nurmaǵambetuly, Almaty qalasy Bostandyq aýdandyq «Orbita-3»- meshitiniń naib-imamy Bertymuratov Joldas Qospaquly belsendi atsalysty.
Halyqtyń dini saýattylyǵyn arttyrýdy maqsat etken is-sharaǵa oblystaǵy qalalar men aýdandardyń turǵyndary, óńirdegi qoǵamdyq keńestiń músheleri, memlekettik jáne quqyq qorǵaý organdary, din, BAQ ókilderi, eńbek ujymdary, oqytýshylar, muǵalimder, stýdentter jáne de oqý oryndarynyń qyzmetkerleri qatysty.
Ásirese, túzetý mekemelerindegi sottalǵandar, onyń ishinde, dástúrli emes dini aǵymdardyń jaqtaýshylarymen jeke kezdesýler ótkizilip, túsindirý jumystary júrgizildi. Sarapshylar Taldyqorǵan qalasy jáne Zarechnyi eldimekenindegi túzetý mekemesinde otyrǵan azamattarmen kezdesip, áńgimelesti.
«Lańkestik pen sodyrlyq soraqy áreketterge aparyp soqtyratyn qate áreketterden qorǵanýdyń birden-bir joly - ǵylym men bilimdi tereń igerý. Ata-babamyz asyl mura retinde qaldyrǵan beibit zaman men bai dástúrdi, keń-baitaq eldi saqtap, kórkeite túsýge, jastarǵa, alǵashqy kezekte dini túsiniktiń óte saýatty bolýy, ózge de ómir salalaryn jan-jaqty meńgerýi kómektesetini daýsyz», - dep pikirin bildirdi Serik Tájibaev.
Ol, osymen birge, ǵalamtor arqyly taratylatyn jalǵan aqparattarǵa laiyqty tosqaýyl qoiýda ata-analar qaýymynyń kompiýterge jii jaqyndaýdan qashpaýy kerektigin atap ótti.
