2015 jyldyń qyrkúıek aıynan bastap «Kásipqor» holdıńi» kommersıalyq emes aksıonerlik qoǵamy jáne Cambridge International Examinations birge kommersıalyq negizde Advanced level halyqaralyq úlgidegi bilim berý baǵdarlamasy boıynsha oqytýdy bastaıdy.
A-level baǵdarlamasy – bul oqý merzimi 2 jylǵa sozylǵan aǵylshyn oqýshylary, sonymen qatar shetel oqýshylary úshin ýnıversıtetke túsýge arnalǵan daıyndyq kýrsy bolyp sanalady. Oqýǵa qabyldaýdyń negizgi talaby aǵylshyn tili boıynsha bilim deńgeıi joǵary bolýy shart.
Sonymen, Astana qalasyndaǵy eki jyldyq oqýdy aıaqtaǵannan keıin jáne emtıhandardy tapsyrǵannan keıin halyqaralyq úlgidegi A-level sertıfıkatyn ala alady. Atalǵan sertıfıkat bitirýshilerge Ulybrıtanıanyń, AQSH jáne basqa da memleketterdiń úzdik ýnıversıtetterine túsý múmkindigine ıe bolady (Harvard University, Cambridge University, University of Oxford, London School of Economics and Political Science, Yale University jáne t.b.).
A-level baǵdarlamasynyń negizgi erekshelikteri – joǵary biliktilik, oqýǵa túsý úshin ýnıversıtetterdiń kóp túri, usynylatyn pánderdiń ártúrliligi, stýdentterdi aıaqtalmaǵan orta bilimmen jáne 10 synyptan keıin qabyldaýdyń joly, UBT tapsyrý týraly sertıfıkat qajet emestigi, irikteý baıqaýyna qatysý úshin aǵylshyn tili kem degende IELTS 5.0 bolýy tıis jáne úmitker qosymsha jumysshy mamandyǵyn alý múmkindigine ıe bolady.
2 jyl ishinde stýdentter A-level baǵdarlamasynyń 3-4 páni boıynsha, ıaǵnı matematıka, fızıka, akt, óner jáne dızaın, týrızm jáne qonaq úı isi, ekonomıka jáne basqa salalar boıynsha tereń bilim alady. Osylaısha oqytylǵan pánder tańdap alynǵan sala boıynsha oqýǵa túsý múmkindigin arttyrady. Mysaly, bolashaq ınjenerler A-level joǵarǵy matematıka, fızıka, aqparattyq tehnologıa sıaqty pánderdi tańdap alatynyn atap aıtýǵa bolady.
Árbir tyńdaýshy 2 jyldan keıin Ulybrıtanıanyń táýelsiz emtıhandyq agenttigimen baǵalanatyn táýelsiz qorytyndy emtıhanynan ótedi. Tapsyrmalar barlyq elder úshin jáne barlyq tyńdaýshylar úshin birdeı bolady. Nátıjesinde tyńdaýshylar ár pán boıynsha bir baǵa, ıaǵnı «A+»-ten jáne «E»-ge deıingi baǵalar alady. Munda A óte jaqsy.
Barlyq suraqtar boıynsha 8 (7172) 79-45-15, +7 747 326 85 22 telefondary, www.kasipkor.kz saıty men student@tvet.kz poshtasynan jaýap alýǵa bolady.
