Aǵymdaǵy jyldyń 26 shildesinen bastap jastardyń osal toptary arasynda pılottyq jobany iske asyrýǵa arnalǵan «ZHAS PROJECT» granttyq jobasy iske qosyldy. Áleýmettik jobalardy júzege asyrýǵa 1 mln teńgege deıin granttar beriledi. Túrkistan oblysyna 63 grant bólinip otyr. Bul týraly brıfıńte QR Aqparat jáne qoǵamdyq damý mınıstrliginiń Jastar saıasatyn úılestirý basqarmasynyń basshysy Tastemir Aqulan málimdedi.

Brıfıń qatysqan Qazaqstan Jastar Kongresiniń atqarýshy dırektory Toqtar Bolysov jobanyń negizgi maqsaty – jastardy, ásirese osal toptardy qoǵamnyń tirshiligine tartý, aralastyrý ekendigin aıtty.

– Jobaǵa áleýmettik jobalary bar NEET sanatyndaǵy Túrkistan oblysynyń 18-29 jas aralyǵyndaǵy jastar qatysa alady. Ótinimder www.zhasproject-turkestan.kz saıtynda qabyldanady jáne aǵymdaǵy jyldyń 10 tamyzyna deıin jalǵasady, – dedi Túrkistan oblysy Jastar resýrstyq ortalyǵynyń dırektory Erasyl Tólebaev.

Joba – jumyssyz retinde tirkelgen jastarǵa, az qamtylǵan jáne kópbalaly otbasyndaǵy 18 ben 29 jas aralyǵyndaǵylarǵa, ata-ana qamqorlyǵynsyz qalǵan jáne jetim balalarǵa, múgedektigi bar jastarǵa arnalǵan.

https://dalanews.kz/aimak/79963-qapshagay-samga-orleuge-mumkindik