Máýlen Áshimbaev eldegi jastar arasyndaǵy jumyssyzdyqtyń resmi deńgeii salystyrmaly túrde tómen ekenin aitty. 2020 jyly ol 3,8%-dy quraǵan. Alaida, onyń aitýynsha, balama zertteýler basqa tendentsiiany kórsetedi.
– Táýelsiz uiymdardyń saýalnamalaryna sáikes, 25-29 jas aralyǵyndaǵy respondentterdiń shamamen 12%-y áli turaqty jumys istemegen. Joǵary bilimdi qazaqstandyq jastardyń 40% – dan astamy mamandyq boiynsha jumys istemeidi, – dep málimdedi Senat Tóraǵasy.
Ol, sondai-aq, óńirlik damýdaǵy teńgerimsizdikter, aýyldardan qalalarǵa qonys aýdaratyn jastar jumyssyzdyq deńgeiin arttyratynyn atap ótti. Sonymen qatar, spiker qazirgi tańda qazaqstandyq jastardyń basym bóligi ońtústik aimaqtarda turatynyn aitty.
– Ońtústik tórt óńirde – Túrkistan, Almaty, Jambyl jáne Qyzylorda oblystarynda, sondai- aq, Almaty men Shymkent qalalarynda jastardyń jartysynan kóbi turady. Bul osy aimaqtardaǵy áleýmettik máselelerdi qiyndatady, – dep túiindedi Máýlen Áshimbaev.
