Búgin Túrkistanda Qoja Ahmet Iasaýi atyndaǵy halyqaralyq qazaq-túrik ýniversitetinde «Ardagerler uiymy» RQB Ortalyq keńesiniń respýblikalyq kóshpeli keńesi ótti. Oǵan «Ardagerler uiymy» RQB Ortalyq keńestiń tóraǵalary, Astana, Almaty, Shymkent qalalary, óńirlik ardagerler uiymdarynyń basshylary, Túrkistan oblysy ákiminiń orynbasary Ertai Altaev, oblystyq máslihattyń tóraǵasy Nuraly Ábishov pen ziialy qaýym ókilderi qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kóshpeli keńestiń basty maqsaty – Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomikalyq ósim, qoǵamdyq optimizm» Joldaýyn júzege asyrýdaǵy ardagerlerdiń mindetterin talqylap, jumystaryn uiymdastyrý.
Atalǵan jiynda Memleket basshysynyń Joldaýyn saralap, negizgi mindetter men el damýy jolynda ult bolyp, adal eńbek etý týraly jáne taǵy basqa máseleler kóterildi.
Mańyzdy jiynǵa oblys ákiminiń orynbasary Ertai Altaev qatysyp, Túrkistan oblysynyń ákimi Darhan Satybaldynyń quttyqtaý sózin oqyp berdi.
Túrkistan oblysy ákiminiń quttyqtaýynda «Bul basqosý óńirdiń rýhani salasyna oń serpin beredi dep senemin. Túrkistan qalasyn túrki áleminiń mádeni-rýhani jáne týristik ortalyǵyna ainaldyrý baǵytynda jospar túzilip, iske asyryldy. Bul – memleketimizdiń óńirimizge degen úlken qoldaýy. Búgingi tańda oblystyq ardagerler uiymy osy maqsatta tabysty eńbek etip keledi. Ulttyq tálim-tárbieni urpaq boiyna sińirý arqyly jurtshylyqty izgilikke, otanshyldyqqa, eńbekke qulshyndyrý baǵytynda oblys ardagerleriniń alar orny airyqsha dep bilemin, – delingen.
Qazaqstannyń Eńbek eri, QR Parlamenti májilisiniń depýtaty, «Ardagerler uiymy» RQB ortalyq keńesiniń tóraǵasy Baqtyqoja Izmuhambetov baiandama jasady. Túrkistan oblystyq ardagerler keńesiniń tóraǵasy J.Máýlenqulov, Ortalyq keńes tóralqasynyń múshesi J.Erǵaliev, Mańǵystaý oblystyq ardagerler keńesiniń tóraǵasy S.Tóletov, Abai oblystyq ardagerler keńesiniń tóraǵasy M.Álin jaryssózge shyqty.
Jiynda Túrkistan oblysynyń ardagerler qozǵalysyna belsendi aralasyp júrgen oblystyń ardagerlerine Ortalyq keńestiń tósbelgileri men Qurmet gramotasy tapsyryldy.
Alqaly basqosý Qoja Ahmet Iasaýi atyndaǵy halyqaralyq qazaq-túrik ýniversitetiniń jastarymen kezdesý jiynymen jalǵasty. Ýniversitettiń mádeniet zalynda eńbek adamyna arnalǵan mýzykalyq-kompozitsiialyq qoiylym qoiyldy.
Baqtyqoja Izmuhambetov stýdent jastarmen syrly suhbat jasap, oqý ordasy ujymyna kitabyn tapsyrdy.
Kezdesý sońynda ýniversitet rektory Janar Temirbekova bilim ordasynyń tynys-tirshiligi, jetistigi men aldaǵy maqsattary týraly oiyn ortaǵa saldy.
Shara aiasynda ardagerler Túrkistannyń kórikti oryndaryn aralap, Túrkistan qalasyndaǵy soǵys ardagerlerine arnalǵan «Máńgilik alaýǵa» gúl shoqtaryn qoiyp, «Jibek joly» saiabaǵynda aǵash otyrǵyzdy.
Aita keteiik, oblystyń ardagerler keńesinde 154 myńnan astam ardager esepte tur. Ardagerler keńesiniń negizin 17 aýdandyq, qalalyq ardagerler keńesterine biriktirilgen 619 bastaýysh (aýyldyq) ardagerler uiymy quraidy.
