Pavlodar qalasynyń «Daryndy balalarǵa arnalǵan mýzykalyq kolledjinde» ótken sailaýaldy jiynda Q.Ábden ustazdarmen júzdesip, bilim berý salasyndaǵy ózekti suraqtardy talqylady.
«Stýdentter, bilim alýshy jastar– elimizdiń bolashaǵy, al ustazdar – qoǵamdaǵy orny erekshe tulǵalar. Sondyqtan Pavlodar qalasyndaǵy sailaýaldy jiyn osy bilim ordasynda ótkizýdi jón kórdik», - dep jetkizdi Qaraqat Ábden.
Onyń aitýynsha, sailaýaldy baǵdarlamada bilim berý salasyn jetildirýge kóp kóńil bólingen. Ásirese, bilim alýshylar úshin joǵary bilimniń tegin bolýy, olardyń jataqhanamen, innovatsiialyq qural-jabdyqtarmen qamtamasyz etilýi asa ózekti.
Jiyn barysynda orta tehnikalyq bilim beretin muǵalimderiniń mártebesin arttyrýǵa qatysty suraqtar men usynystar talqylandy.
Budan bólek, Qaraqat Ábden óziniń Pavlodar qalasyndaǵy senimdi ókilderimen ókilderimen kezdesti. Úmitkerdiń bul óńirdegi sailaýaldy shtabynda 200-den astam volonter jumys isteidi.
Eske salsaq, Qaraqat Ábden buǵan deiin Aqmola oblysy, Qaraǵandy, Astana, Ekibastuz qalalarynyń turǵyndarymen júzdesken edi. Aldaǵy ýaqytta onyń Abai, Almaty, Aqtóbe oblysynyń sailaýshylarymen kezdesý ótkizetini málim.
