پاۆلودار قالاسىنىڭ «دارىندى بالالارعا ارنالعان مۋزىكالىق كوللەدجىندە» وتكەن سايلاۋالدى جيىندا ق.ابدەن ۇستازدارمەن جۇزدەسىپ، ءبىلىم بەرۋ سالاسىنداعى وزەكتى سۇراقتاردى تالقىلادى.
«ستۋدەنتتەر، ءبىلىم الۋشى جاستار– ەلىمىزدىڭ بولاشاعى، ال ۇستازدار – قوعامداعى ورنى ەرەكشە تۇلعالار. سوندىقتان پاۆلودار قالاسىنداعى سايلاۋالدى جيىن وسى ءبىلىم ورداسىندا وتكىزۋدى ءجون كوردىك»، - دەپ جەتكىزدى قاراقات ابدەن.
ونىڭ ايتۋىنشا، سايلاۋالدى باعدارلامادا ءبىلىم بەرۋ سالاسىن جەتىلدىرۋگە كوپ كوڭىل بولىنگەن. اسىرەسە، ءبىلىم الۋشىلار ءۇشىن جوعارى ءبىلىمنىڭ تەگىن بولۋى، ولاردىڭ جاتاقحانامەن، يننوۆاسيالىق قۇرال-جابدىقتارمەن قامتاماسىز ەتىلۋى اسا وزەكتى.
جيىن بارىسىندا ورتا تەحنيكالىق ءبىلىم بەرەتىن مۇعالىمدەرىنىڭ مارتەبەسىن ارتتىرۋعا قاتىستى سۇراقتار مەن ۇسىنىستار تالقىلاندى.
بۇدان بولەك، قاراقات ابدەن ءوزىنىڭ پاۆلودار قالاسىنداعى سەنىمدى وكىلدەرىمەن وكىلدەرىمەن كەزدەستى. ۇمىتكەردىڭ بۇل وڭىردەگى سايلاۋالدى شتابىندا 200-دەن استام ۆولونتەر جۇمىس ىستەيدى.
ەسكە سالساق، قاراقات ابدەن بۇعان دەيىن اقمولا وبلىسى، قاراعاندى، استانا، ەكىباستۇز قالالارىنىڭ تۇرعىندارىمەن جۇزدەسكەن ەدى. الداعى ۋاقىتتا ونىڭ اباي، الماتى، اقتوبە وبلىسىنىڭ سايلاۋشىلارىمەن كەزدەسۋ وتكىزەتىنى ءمالىم.
