WorldSkills International halyqaralyq qaýymdastyǵy dúniejúzinde kásiptik mamandyqtardy dáripteý jáne mártebesin kóterý maqsatynda jyl saiyn osyndai baiqaý ótkizýdi dástúrge ainaldyrǵan. Bul týrnir eńbek etýge beiim jastardyń kásibi biliktiligin kóterip, olardyń qoǵamnan óz orynyn taýyp ketýine keńinen jol ashatyny anyq. 1946 jyly qurylǵan WorldSkills International qaýymdastyǵy qazirgi tańda dúniejúziniń 72 elinde óziniń ókildigin ashyp, kásiptik mamandyqty dáriptep keledi. 2014 jyly Qazaqstan qaýymdastyqtyń tolyqandy múshesi boldy. Qazirgi tańda halyqaralyq uiymmen «Kəsipqor» ulttyq holdingi tyǵyz jumys isteýde.
«Kəsipqor» ulttyq holdingi elimizdiń barlyq aimaǵynda WorldSkills týrnirin uiymdastyryp, 8 mamandyq boiynsha kolledj jastary arasynda baiqaý uiymdastyrǵan-yd. Baiqaýda jastar – tokarlyq is, dánekerleý, qysh qalaý, santehnika men jylytý, sylaq jáne gipsokartonmen jumys isteý, shashtaraz, meiramhana isi (aspazshy) jáne aqparattyq tehnologiialarmen jumys iste boiynsha ózara synǵa túsýde.
Osy rette bul baiqaýdyń óz deńgeiinde ótýine oblystar men Astana, Almaty qalalarynyń bilim basqarmalary jáne jergilikti jerdegi Tehnikalyq jáne kásiptik bilimdi damytý jáne biliktilikti berýdiń respýblikalyq ǵylymi-ádistemelik ortalyqtary belsendi túrde atsalysyp, qoldaý kórsetkenin aitýǵa tiispiz. Ár mamandyq boiynsha sarapshylar belgilenip, qyzý jumystar júrgizilgen. Óz kezeginde óndiris pen ónerkásiptiń túrli salalarynda jumys isteitin bilikti mamandar jastardyń jumysyna baǵalap, tapsyrylǵan jumysty sapala atqarýyn qadaǵalaýda.
Osy rette aimaqtarda ótip jatqan baiqaýlarǵa dánekerleý jumystaryna 11 aimaq, aspazdyqqa (meiramhana) 10, aqparattyq tehnologiialar salasyna 9 aimaq belsendi túrde qatysqan. Al shashtaraz mamandyǵy boiynshy 7 aimaqtyń órenderi qatysýda. Baiqaýda sheberligimen kózge túsken kásiptik bilim berý uiymdarynyń túlekteri 8-11 sáýir kúnderi Astanada ózderiniń eptilikterin synaityn bolady. Óz kezeginde «Kəsipqor» ulttyq holdinginiń mamandary Astana ótetin Ulttyq chempionatqa jasy 18-21 jas aralǵyndaǵy óndiristik kompaniialarda jumys istep júrgen jastar da qatysa alatynyn alǵa tartyp otyr.
