WorldSkills International حالىقارالىق قاۋىمداستىعى دۇنيەجۇزىندە كاسىپتىك ماماندىقتاردى دارىپتەۋ جانە مارتەبەسىن كوتەرۋ ماقساتىندا جىل سايىن وسىنداي بايقاۋ وتكىزۋدى داستۇرگە اينالدىرعان. بۇل تۋرنير ەڭبەك ەتۋگە بەيىم جاستاردىڭ كاسىبي بىلىكتىلىگىن كوتەرىپ، ولاردىڭ قوعامنان ءوز ورىنىن تاۋىپ كەتۋىنە كەڭىنەن جول اشاتىنى انىق. 1946 جىلى قۇرىلعان WorldSkills International قاۋىمداستىعى قازىرگى تاڭدا دۇنيەجۇزىنىڭ 72 ەلىندە ءوزىنىڭ وكىلدىگىن اشىپ، كاسىپتىك ماماندىقتى دارىپتەپ كەلەدى. 2014 جىلى قازاقستان قاۋىمداستىقتىڭ تولىقاندى مۇشەسى بولدى. قازىرگى تاڭدا حالىقارالىق ۇيىممەن «كاسىپقور» ۇلتتىق حولدينگى تىعىز جۇمىس ىستەۋدە.
«كاسىپقور» ۇلتتىق حولدينگى ەلىمىزدىڭ بارلىق ايماعىندا WorldSkills ءتۋرنيرىن ۇيىمداستىرىپ، 8 ماماندىق بويىنشا كوللەدج جاستارى اراسىندا بايقاۋ ۇيىمداستىرعان-ىد. بايقاۋدا جاستار – توكارلىق ءىس، دانەكەرلەۋ، قىش قالاۋ، سانتەحنيكا مەن جىلىتۋ، سىلاق جانە گيپسوكارتونمەن جۇمىس ىستەۋ، شاشتاراز، مەيرامحانا ءىسى (اسپازشى) جانە اقپاراتتىق تەحنولوگيالارمەن جۇمىس ىستە بويىنشا ءوزارا سىنعا تۇسۋدە.
وسى رەتتە بۇل بايقاۋدىڭ ءوز دەڭگەيىندە وتۋىنە وبلىستار مەن استانا، الماتى قالالارىنىڭ ءبىلىم باسقارمالارى جانە جەرگىلىكتى جەردەگى تەحنيكالىق جانە كاسىپتىك ءبىلىمدى دامىتۋ جانە بىلىكتىلىكتى بەرۋدىڭ رەسپۋبليكالىق عىلىمي-ادىستەمەلىك ورتالىقتارى بەلسەندى تۇردە اتسالىسىپ، قولداۋ كورسەتكەنىن ايتۋعا ءتيىسپىز. ءار ماماندىق بويىنشا ساراپشىلار بەلگىلەنىپ، قىزۋ جۇمىستار جۇرگىزىلگەن. ءوز كەزەگىندە ءوندىرىس پەن ونەركاسىپتىڭ ءتۇرلى سالالارىندا جۇمىس ىستەيتىن بىلىكتى ماماندار جاستاردىڭ جۇمىسىنا باعالاپ، تاپسىرىلعان جۇمىستى ساپالا اتقارۋىن قاداعالاۋدا.
وسى رەتتە ايماقتاردا ءوتىپ جاتقان بايقاۋلارعا دانەكەرلەۋ جۇمىستارىنا 11 ايماق، اسپازدىققا (مەيرامحانا) 10، اقپاراتتىق تەحنولوگيالار سالاسىنا 9 ايماق بەلسەندى تۇردە قاتىسقان. ال شاشتاراز ماماندىعى بويىنشى 7 ايماقتىڭ ورەندەرى قاتىسۋدا. بايقاۋدا شەبەرلىگىمەن كوزگە تۇسكەن كاسىپتىك ءبىلىم بەرۋ ۇيىمدارىنىڭ تۇلەكتەرى 8-11 ءساۋىر كۇندەرى استانادا وزدەرىنىڭ ەپتىلىكتەرىن سىنايتىن بولادى. ءوز كەزەگىندە «كاسىپقور» ۇلتتىق حولدينگىنىڭ ماماندارى استانا وتەتىن ۇلتتىق چەمپيوناتقا جاسى 18-21 جاس ارالعىنداعى وندىرىستىك كومپانيالاردا جۇمىس ىستەپ جۇرگەن جاستار دا قاتىسا الاتىنىن العا تارتىپ وتىر.
