Respýblıkalyq is-shara jasóspirimderdiń vırtýaldy keńistikte jáne otbasy, mektep, qorshaǵan ortadaǵy quqyq buzýshylyqtyń aldyn alý jáne agresıa deńgeıin tómendetý, bilim berý deńgeıiniń barlyq pedagogteriniń áriptestik qatynastaryn keńeıtý jáne tájirıbe almasý maqsatynda ótkizildi. 230-dan astam pedagogter qatysqan vebınar moderatorlary: Kýlen Farıda Jýmabekovna, Smaılova Zere Oserbaevna boldy.
Vebınardyń baǵdarlamasyna sáıkes arnaıy mamandar men pedagogterdiń jasóspirimder arasyndaǵy túsinispeýshilikten týyndaıtyn qaqtyǵystardyń aldyn alý taqyrybyndaǵy baıandamalary tyńdaldy. Atap aıtsaq, «Órleý» Biliktilikti arttyrý ulttyq ortalyǵy» AQ fılıaly Almaty qalasy boıynsha PQ BAI aǵa oqytýshysy, mazmuny jańartylǵan bilim berý baǵdarlamsy boıynsha trener, gýmanıtarlyq ǵylymdarynyń magıstri Esentaeva Aıjan Ydyrysqyzy «Qazirgi tańda naqty týyndaǵan jaǵdaıǵa baılanysty balanyń quqyǵyn qorǵaý sharalary» taqyrybynda baıandama jasady. Aıjan Ydyrysqyzy óz sózinde Máńgilik eldiń qundylyqtaryna toqtalyp, azamattyq jaýapkershilik baǵdary men balalardyń quqyqtarynyń qorǵalýy jóninde zańnamalarǵa naqty toqtalyp ótti. Baıandamashy balalar quqyǵynyń otbasynda, qoǵamdyq oryndarda, mektepte, tipti balalardyń óz qatarlarynyń ortasynda jıi buzylatynyn aıtyp, naqty dál qazirgi onlaın oqytý jaǵdaıyndaǵy kezdesip jatqan oqıǵalar tóńireginde mysaldar keltirdi. Aıjan Ydyrysqyzy is-sharaǵa qatysqan áriptesteri men mamandardy bala quqyǵyn qorǵaý jónindegi zańdardy júzege asyrýda quqyqtyq turǵyda saýatty bolýǵa shaqyryp, bala quqyǵyn qorǵaýǵa arnalǵan zańdarǵa jáne balalalardy qorǵaýǵa arnaıy kúnder belgilengenin eskertti.
Vebınar sońynda qatysýshylarǵa ınstıtýt tarapynan sertıfıkat, baıandama jasaǵan qyzmetkerler men mamandarǵa alǵys hat tapsyryldy.
P. Asylbek, «Órleý» BAUO» AQ fılıaly Almaty qalasy boıynsha PQ BAI
