Aita ketsek, halyq qalaýlysy jaqynda ǵana iske qosylǵan Talǵar gidroelektro stantsiiasynyń, «Meliorator» yqsham aýdanyndaǵy blok-modýldi qazandyqtardyń jáne ótken jyldyń sońynda ashylǵan 180 oryndyq dene shynyqtyrý-saýyqtyrý kesheniniń jumystarymen tanysty.
Budan keiin Ábdimanap Elikbaiuly Talǵar agrobiznes jáne menedjment kollejdiniń qabyrǵasynda aýdan jastarymen kezdesti. Kezdesý barysynda halyq qalaýlysy «Jastar jylynyń» negizgi basymdyqtary jaily baiandap, Elbasy tapsyrǵan birneshe memlekettik baǵdarlamalar men jobalarǵa toqtalyp, biylǵy jyldyń jastar úshin mańyzdylyǵyn ashyp berdi.
– Aýdanymyzda 14 pen 29 jas aralyǵyndaǵy jastardyń jalpy sany 49 396 adamdy quraidy. Bul – úlken kúsh, zor potentsial. Ótken jyl aýdan jastary úshin jemisti jyl boldy. Jastarymyz tek aýdan kóleminde ǵana emes, sonymen qatar oblystyq deńgeide de belsendilik tanytty. Talǵar aýdanynyń jastary «Jasyl el» baǵdarlamasy boiynsha «Úzdik ortalyq» nominatsiiasyn jeńip aldy. Talǵar aýdanynyń jastar resýrstyq ortalyǵy jyl boiy 161 shara uiymdastyryp, bul sharalarmen barlyq sanattaǵy 25 000 jasty qamtydy. Jáne de bir qýanyshty – Almaty oblysy ákimdiginiń qoldaýymen osy jyly aýdanymyzda arnaiy jastarǵa qyzmet kórsetý ortalyǵy salynýy josparlanýda, – dedi óz sózinde aýdan basshysy.
Sonymen birge, biylǵy jyly «Prezidentimizdiń 5 áleýmettik bastamasyn» iske asyrý maqsatynda Talǵar qalasynda Talǵar politehnikalyq kolledji men Talǵar agrobiznes jáne menedjment kolledjiniń stýdentterine arnalǵan jataqhanalar salý josparlanyp otyr.
Kezdesýdi qorytyndylaǵan májilis depýtaty jastarǵa qoǵamnyń jan-jaqty damýyna ózindik úlesterin qosýǵa shaqyryp, belsendi bolýǵa úgittedi.
Talǵar aýdany ákiminiń baspasóz qyzmeti
