Respýblika saraiynda tuńǵysh ret «Jas qanat. Balalar» baiqaýy jáne «Jas qanat» jas oryndaýshylar baiqaýynyń birinshi jartylai finaly ótti.
«Jas qanat. Balalar» baiqaýyna 22 úmitker qatysty. Olardyń keremet óner kórsetkeni sonsha, qazylar alqasy sheshim shyǵarar aldynda qinalyp, uzaq talqylady. Nátijesinde olar úsh júlde taǵaiyndap qana qoimai, sol jerde Gran-pri týraly sheshim qabyldady.
Gran-pri almatylyq Dastan Turdalyǵa buiyrdy. 1 oryndy Túrkistan oblysynan kelgen Zere Júnisbai, 2 oryndy mańǵystaýlyq Ámina Asǵatova, 3 oryndy Aqtóbe oblysynan kelgen Balym Nysanaly ielendi. Jeńimpazdarǵa altyn, kúmis jáne qola qanattardan bólek, aldaǵy halyqaralyq «Aziia daýysy» festivaline daiyndyq úshin Almaty qalasynyń ákimi Erbolat Dosaevtyń atynan aqshalai granttar tabys etildi.
Qazylar alqasynyń múshesi, ánshi, sazger Medeý Arynbaev «Bul óte áserli sát boldy. Balalar shyn júrekten án aitqan kezde tehnikalyq jáne vokaldyq qabiletteri týraly oilanbaisyń. Bul tazalyq, keremet ertegi, olardyń sezimin sózben jetkizý múmkin emes! Olardan eresekter kóp nárse úirenýi kerek. Árine, munda jeńilgender joq, bári de jeńimpaz, bári tamasha. Biz uzaq ýaqyt boiy úzdikti tańdai almadyq», - dedi.
Sondai-aq búgin «Aziia daýysy» festivali taqyrybyndaǵy balalar sýreti baiqaýynyń jeńimpazdary da júlde aldy. Qazylar alqasy qola qanatty jezqazǵandyq Aida Derbiske berdi. Kúmis qostanailyq Kira Lantýh, altyn qanat Aisel Muqashevaǵa buiyrdy. Shyǵarmashylyq baiqaýǵa Qazaqstannyń barlyq óńirinen balalar 311 jumys jiberdi. Árine, olar «Aziia daýysynyń» ne ekenin bilmeidi. Olar ańyzǵa ainalǵan baiqaý týraly ata-analarynan, ata-ájelerinen surap bilgen. Degenmen, usynylǵan jumystardyń deńgeii tań qaldyrady. Balalar ártúrli ádisterdi qoldanǵan.
Jumystar birneshe sanat, onyń ishinde túpki ideia men shyǵarmashylyq oilaý boiynsha da baǵalandy. Baiqaýǵa 169 mektep, gimnaziia men litseiden, sondai-aq analary baiqaý týraly internetten óz betinshe bilgen balalar qatysty. Qazir Respýblika saraiynyń foiesinde qoiylǵan bul týyndylar «Aziia daýysy» kezinde Almaty Gallery qabyrǵasynda qoiylady! Kórermender bul tańǵajaiyp kórmeni taǵy bir ret tamashalaýǵa múmkindik aldy.
1 maýsym kúni keshke «Jas qanat» jas oryndaýshylar baiqaýynyń birinshi jartylai finaly ótti. Birinshi jarys kúniniń qorytyndysy boiynsha úzdik úshtik anyqtaldy:
- Narǵyz Januzaqova, Aqtóbe – 110 upai
- Almagúl Battalieva, Almaty – 108 upai
- Ernazar Juban, Almaty – 105 upai.
Búgin Jas Qanat konkýrsanttary ekinshi kúnniń baǵdarlamasyn kórsetedi. Ol Aleksandr Beliakovtyń estradalyq-simfoniialyq orkestri súiemeldeýimen ótpek.
Dalanews.kz, Qala men Dala gazeti, DALA INSIDE - «Jas qanat - 2023» baiqaýynyń resmi aqparattyq seriktesi! Bizden jańalyq kútińizder!
