Almatydaǵy Respýblika saraiynda 1-3 maýsym aralyǵynda ótetin 29-shy Respýblikalyq «Jas qanat» jas oryndaýshylar baiqaýynyń jerebe tartý rásimi ótti.
Búgin «Jas qanat. Balalar» qatysýshylarynyń sahnaǵa shyǵý tártibi men negizgi konkýrsanttardyń birinshi baiqaý kúni sahnaǵa shyǵý tártibi anyqtaldy. Ekinshi jarys kúniniń jerebe tartý rásimi birinshi kúnnen keiin ótedi. Al úshinshi finaldyq jarys kúninde baiqaý qazylar alqasy tek 7 úzdik finalisterdi baǵalaidy.
Búgingi jerebede kóz jasy da, qýanysh ta qatar júrdi. Mundai salmaqty sharany ashý úlken mártebe jáne jaýapkershilik. Qatysýshylardy jinalǵandar jyly qoldap otyrdy.
«Biz qalamyzda baiqaýdyń qaita jandanyp, jańa talanttardyń jarqyraǵanyn qalaimyz», - dedi quttyqtaý sózinde, bas prodiýser Armanjan Baitasov. «Osy baiqaýdyń jáne qaita jandanǵan «Aziia daýysy» festivaliniń arqasynda Almatymyz budan da jaqsyraq tanylmaq».
Jerebe tartýshylarǵa Almaty qalasynyń ákimi Erbolat Dosaevtyń tilegin qalalyq mádeniet basqarmasynyń basshysy Ǵani Mailybaev jetkizdi. Ol baiqaýdyń týǵan jerine oralǵanyna qala ákimdigi qýanyshty ekenin atap ótti.
«Qatysýshylarǵa kásibi qazylar alqasynyń qatań irikteýinen ótý ońai bolmaǵanyn bilemiz. Almatyǵa qosh keldińizder jáne barshalaryńyzǵa sáttilik tileimiz. Bul shildeniń sońynda ótetin «Aziia daýysy» siiaqty qala úshin zákirlik jobaǵa nazar aýdartýy kerek», - dedi, Ǵani Mailybaev.
Aitpaqshy, «Jas qanat» baiqaý kúnderiniń biri týǵan qalasy Almatyǵa arnalmaq. Al qazylar alqasynyń tóraǵasy Medeý Arynbaev konkýrsanttarǵa «Qazylar alqasyn óz talantymen qýantyp qana qoimai, kórermenderdiń júregin jaýlaý mańyzdy» degen jyly tilegin bildirdi.
Jerebe sońynda «Jas qanat-2019» baiqaýynyń jeńimpazy Didar Ábdihalyq óz ánderimen tánti etti.
