الماتىداعى رەسپۋبليكا سارايىندا 1-3 ماۋسىم ارالىعىندا وتەتىن 29-شى رەسپۋبليكالىق «جاس قانات» جاس ورىنداۋشىلار بايقاۋىنىڭ جەرەبە تارتۋ ءراسىمى ءوتتى.
بۇگىن «جاس قانات. بالالار» قاتىسۋشىلارىنىڭ ساحناعا شىعۋ ءتارتىبى مەن نەگىزگى كونكۋرسانتتاردىڭ ءبىرىنشى بايقاۋ كۇنى ساحناعا شىعۋ ءتارتىبى انىقتالدى. ەكىنشى جارىس كۇنىنىڭ جەرەبە تارتۋ ءراسىمى ءبىرىنشى كۇننەن كەيىن وتەدى. ال ءۇشىنشى فينالدىق جارىس كۇنىندە بايقاۋ قازىلار القاسى تەك 7 ۇزدىك فيناليستەردى باعالايدى.
بۇگىنگى جەرەبەدە كوز جاسى دا، قۋانىش تا قاتار ءجۇردى. مۇنداي سالماقتى شارانى اشۋ ۇلكەن مارتەبە جانە جاۋاپكەرشىلىك. قاتىسۋشىلاردى جينالعاندار جىلى قولداپ وتىردى.
«ءبىز قالامىزدا بايقاۋدىڭ قايتا جاندانىپ، جاڭا تالانتتاردىڭ جارقىراعانىن قالايمىز»، - دەدى قۇتتىقتاۋ سوزىندە، باس پروديۋسەر ارمانجان بايتاسوۆ. «وسى بايقاۋدىڭ جانە قايتا جاندانعان «ازيا داۋىسى» فەستيۆالىنىڭ ارقاسىندا الماتىمىز بۇدان دا جاقسىراق تانىلماق».
جەرەبە تارتۋشىلارعا الماتى قالاسىنىڭ اكىمى ەربولات دوسايەۆتىڭ تىلەگىن قالالىق مادەنيەت باسقارماسىنىڭ باسشىسى عاني مايلىبايەۆ جەتكىزدى. ول بايقاۋدىڭ تۋعان جەرىنە ورالعانىنا قالا اكىمدىگى قۋانىشتى ەكەنىن اتاپ ءوتتى.
«قاتىسۋشىلارعا كاسىبي قازىلار القاسىنىڭ قاتاڭ ىرىكتەۋىنەن ءوتۋ وڭاي بولماعانىن بىلەمىز. الماتىعا قوش كەلدىڭىزدەر جانە بارشالارىڭىزعا ساتتىلىك تىلەيمىز. بۇل شىلدەنىڭ سوڭىندا وتەتىن «ازيا داۋىسى» سياقتى قالا ءۇشىن زاكىرلىك جوباعا نازار اۋدارتۋى كەرەك»، - دەدى، عاني مايلىبايەۆ.
ايتپاقشى، «جاس قانات» بايقاۋ كۇندەرىنىڭ ءبىرى تۋعان قالاسى الماتىعا ارنالماق. ال قازىلار القاسىنىڭ ءتوراعاسى مەدەۋ ارىنبايەۆ كونكۋرسانتتارعا «قازىلار القاسىن ءوز تالانتىمەن قۋانتىپ قانا قويماي، كورەرمەندەردىڭ جۇرەگىن جاۋلاۋ ماڭىزدى» دەگەن جىلى تىلەگىن ءبىلدىردى.
جەرەبە سوڭىندا «جاس قانات-2019» بايقاۋىنىڭ جەڭىمپازى ديدار ءابدىحالىق ءوز اندەرىمەن ءتانتى ەتتى.
