«Jas qanat» baiqaýy 3 jyldyq úzilisten keiin Almatyǵa qaityp otyr. Tek, ókinishke orai, elimizdiń bul iri mádeni sharasy onyń negizin qalaǵan Murat Erǵaliev pen Aleksandr Ponomarevsiz ótpek. Biraq baiqaý uiymdastyrýshylary «Jas Qanat-2023» óz atyna laiyq ótýi úshin baryn salmaq.
«Jas qanat» el táýelsizdiginiń qurdasy. Baiqaý elmen birge qiynshylyq pen sáttilikti, jeńis pen jeńilisti de kórip shyqty. Táýelsiz memleketpen birge ósti, órkendedi. Búginderi halyqty óz shyǵarmashylyǵymen qýantyp júrgen juldyzdar osy baiqaýdyń arqasynda úlken sahnaǵa joldama alǵan edi. Olardyń ishinde – Medeý Arynbaev, Erlan Kókeev, Nurlan Abdýllin, «Úrker» toby, Baqyt Shadaeva, Janar Duǵalova, Mádina Sádýaqasova, Qurmash Mahanov, Sáken Maiǵaziev, Gaýhar Qaspaqova, Altynai Jorabaeva, Janna Orynbasarova, Nurlan Alban, Beibit Qorǵan, Gúlnur Orazymbetov syndy óner sańlaqtary bar.
2012 jyly jas ánshi Dimash Qudaibergen osy baiqaýdyń birinshi júldesiniń laýreaty atanǵan bolatyn. Artynan qazaq halqynyń maqtanyshyna ainalǵan Dimashtyń ákesi Qanat Aitbaev ulynyń búgingi jetistikterinde «Jas qanat» baiqaýynyń úlesi bar ekenin erekshe atap ótken.
«Jas qanat-2023» baiqaýy 29 mamyr men 3 maýsym aralyǵynda Respýblika saraiynda ótedi. Jas talanttar men áserli mýzyka álemi qiysqan siqyrly merekege daiyndyq qyzý júrip jatyr. Uiymdastyrýshylar shtab-páterinde birinen-biri asyp túsetin nebir ideialar dúniege kelýde.
Endi, biylǵy konkýrs qatysýshylarymen tanysaiyq:
1. ARÝJAN BISEMBAI, 20 jas, Oral
2. NARǴYZ JANUZAQOVA, 17 jas, Aqtóbe
3. DIAS JORABEK, 19 jas, Almaty
4. ALINA SAǴYNBAEVA, 16 jas, Astana
5. NARIMAN JOLDASBEKOV, 27 jas, Petropavl
6. ALMAGÚL BATTALIEVA, 23 jas, Almaty
7. NURASYL SATYBALDY, 23 jas, Shymkent
8. MÁDINA QABDOLLA, 20 jas, Pavlodar
9. SAFÝAN KÓREGENOV, 26 jas, Qyzylorda
10. ERASYL MUQANOV, 18 jas, Astana
11. DILNAZ SAPARǴALIEVA, 20 jas, Astana
12. ERASYL INIBEK, 25 jas, Úsharal
13. JANEL ATAMBEKOVA, 16 jas, Saryaǵash
14. QYMBAT JAMBYLBEK, 23 jas, Jambyl
15. ERNAZAR JUBAN, 27 jas, Almaty
16. ÁSEM EDIGE, 27 jas, Qaraǵandy
17. ABAI QYRYQBAEV, 18 jas, Qaraǵandy
18. KAMILLA RAMAZANOVA, 18 jas, Qaraǵandy
19. BENAZIR ÁLIMHODJAEVA, 23 jas, Almaty
20. ALEKSANDRA TÝRETsKAIa, 22 jas, Astana
Endi az ýaqyttan keiin konkýrsanttar Ońtústik astanamyzdyń aǵa sahnasynda bas qosyp, ónerlerin ortaǵa salyp, kórermender men jankúierlerine án merekesin syilamaq.
Dalanews.kz, "Qala men Dala" gazeti, DALA INSIDE telegram arnasy - «Jas qanat - 2023» baiqaýynyń resmi aqparattyq seriktesi! Bizden jańalyq kútińizder!
