«جاس قانات» بايقاۋى 3 جىلدىق ۇزىلىستەن كەيىن الماتىعا قايتىپ وتىر. تەك، وكىنىشكە وراي، ەلىمىزدىڭ بۇل ءىرى مادەني شاراسى ونىڭ نەگىزىن قالاعان مۇرات ەرعالييەۆ پەن الەكساندر پونوماريەۆسىز وتپەك. ءبىراق بايقاۋ ۇيىمداستىرۋشىلارى «جاس قانات-2023» ءوز اتىنا لايىق ءوتۋى ءۇشىن بارىن سالماق.
«جاس قانات» ەل تاۋەلسىزدىگىنىڭ قۇرداسى. بايقاۋ ەلمەن بىرگە قيىنشىلىق پەن ساتتىلىكتى، جەڭىس پەن جەڭىلىستى دە كورىپ شىقتى. تاۋەلسىز مەملەكەتپەن بىرگە ءوستى، وركەندەدى. بۇگىندەرى حالىقتى ءوز شىعارماشىلىعىمەن قۋانتىپ جۇرگەن جۇلدىزدار وسى بايقاۋدىڭ ارقاسىندا ۇلكەن ساحناعا جولداما العان ەدى. ولاردىڭ ىشىندە – مەدەۋ ارىنبايەۆ، ەرلان كوكەيەۆ، نۇرلان ابدۋللين، «ۇركەر» توبى، باقىت شادايەۆا، جانار دۇعالوۆا، ءمادينا ءسادۋاقاسوۆا، قۇرماش ماحانوۆ، ساكەن مايعازييەۆ، گاۋھار قاسپاقوۆا، التىناي جورابايەۆا، جاننا ورىنباساروۆا، نۇرلان البان، بەيبىت قورعان، گۇلنۇر ورازىمبەتوۆ سىندى ونەر ساڭلاقتارى بار.
2012 جىلى جاس ءانشى ديماش قۇدايبەرگەن وسى بايقاۋدىڭ ءبىرىنشى جۇلدەسىنىڭ لاۋرەاتى اتانعان بولاتىن. ارتىنان قازاق حالقىنىڭ ماقتانىشىنا اينالعان ديماشتىڭ اكەسى قانات ايتبايەۆ ۇلىنىڭ بۇگىنگى جەتىستىكتەرىندە «جاس قانات» بايقاۋىنىڭ ۇلەسى بار ەكەنىن ەرەكشە اتاپ وتكەن.
«جاس قانات-2023» بايقاۋى 29 مامىر مەن 3 ماۋسىم ارالىعىندا رەسپۋبليكا سارايىندا وتەدى. جاس تالانتتار مەن اسەرلى مۋزىكا الەمى قيىسقان سيقىرلى مەرەكەگە دايىندىق قىزۋ ءجۇرىپ جاتىر. ۇيىمداستىرۋشىلار شتاب-پاتەرىندە بىرىنەن-بىرى اسىپ تۇسەتىن نەبىر يدەيالار دۇنيەگە كەلۋدە.
ەندى، بيىلعى كونكۋرس قاتىسۋشىلارىمەن تانىسايىق:
1. ارۋجان بيسەمباي، 20 جاس، ورال
2. نارعىز جانۇزاقوۆا، 17 جاس، اقتوبە
3. دياس جورابەك، 19 جاس، الماتى
4. الينا ساعىنبايەۆا، 16 جاس، استانا
5. ناريمان جولداسبەكوۆ، 27 جاس، پەتروپاۆل
6. الماگۇل باتتالييەۆا، 23 جاس، الماتى
7. نۇراسىل ساتىبالدى، 23 جاس، شىمكەنت
8. ءمادينا قابدوللا، 20 جاس، پاۆلودار
9. سافۋان كورەگەنوۆ، 26 جاس، قىزىلوردا
10. ەراسىل مۇقانوۆ، 18 جاس، استانا
11. ديلناز ساپارعالييەۆا، 20 جاس، استانا
12. ەراسىل ينىبەك، 25 جاس، ءۇشارال
13. جانەل اتامبەكوۆا، 16 جاس، سارىاعاش
14. قىمبات جامبىلبەك، 23 جاس، جامبىل
15. ەرنازار جۇبان، 27 جاس، الماتى
16. اسەم ەدىگە، 27 جاس، قاراعاندى
17. اباي قىرىقبايەۆ، 18 جاس، قاراعاندى
18. كاميللا رامازانوۆا، 18 جاس، قاراعاندى
19. بەنازير الىمحودجايەۆا، 23 جاس، الماتى
20. الەكساندرا تۋرەسكايا، 22 جاس، استانا
ەندى از ۋاقىتتان كەيىن كونكۋرسانتتار وڭتۇستىك استانامىزدىڭ اعا ساحناسىندا باس قوسىپ، ونەرلەرىن ورتاعا سالىپ، كورەرمەندەر مەن جانكۇيەرلەرىنە ءان مەرەكەسىن سىيلاماق.
Dalanews.kz، "قالا مەن دالا" گازەتى، DALA INSIDE تەلەگرام ارناسى - «جاس قانات - 2023» بايقاۋىنىڭ رەسمي اقپاراتتىق سەرىكتەسى! بىزدەن جاڭالىق كۇتىڭىزدەر!
