Jas memlekettik qyzmetkerlerdiń forýmy ótti
Atalǵan is-shara memlekettik organdardyń qurylǵanyna 20 jyl tolýyna orai, departament pen oblys ákimdigi tarapynan uiymdastyrylyp, oǵan oblystyń joǵary oqý oryndarynyń áleýeti biik túlekteri, Departament pen oblystyq basqarma qyzmetkerleri, memlekettik qyzmet ardagerleriniń, jalpy sany 230-ǵa jýyq adamnyń qatysýymen ótti.
Forýmdy oblys ákiminiń orynbasary U.Sádibekov pen Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl Agenttiginiń OQO boiynsha Departamentiniń basshysy Á.Kómekbaev ashyp, elimizdiń, sonyń ishinde, oblystyń damýynda jastarǵa úlken úmit artylyp otyrǵandyǵyn jetkizdi.
Forýmda sóz alǵan Áli Amantaiuly Departament janynan áleýetti jastardy memlekettik qyzmetke daiyndaý maqsatynda qurylǵan Memlekettik qyzmet mektebiniń stýdentterine memlekettik qyzmetshileriniń bir kúndik jumys kúnin tamashalaý múmkindigi týǵandyǵyn atap ótti.
– Qazirgi tańda memlekettik qyzmette jastardyń sany memlekettik qyzmetshilerdiń 15% quraidy. Oblysymyz boiynsha bos laýazymdar sany 483 bolsa, sol oryndardy bilimdi de bilikti jastarymyzben tolyqtyrý josparlanýda, – dep atap ótti Á.Kómekbaev.
Sondai-aq, jiynda Memlekettik qyzmettiń eńbek ardagerleri qurmetke bólenip, estelik syilyqtar men Qurmet gramotalary tabystaldy. Olar óz kezeginde jastarǵa ósiet aityp, memlekettik qyzmet jolyndaǵy eńbekterine sáttilik tiledi.
Forým barysynda stýdentter bir kún boiy kórgen, bilgenderimen bólisip, memlekettik qyzmettiń jaýapkershiligin sezinip, uiymdastyrýshylarǵa alǵystaryn bildirdi. Sonymen qatar, joǵarǵy oqý ornynyń bitirýshilerine arnalǵan bir kúndik Ashyq esik kúni ótti.
Ashyq esik kúni aiasynda Stýdentter ózderin bir kúnge bólim basshysy, basqarma basshysy, oblys ákimi retinde sezinip kórip, olarǵa sitýatsiialyq suraqtar qoiylyp, bilimderi men biliktilikteri de synaldy.
Joǵarǵy oqý ornyn aiaqtaǵan árbir jastyń aldyna qoiǵan arman tilegi ol eń birinshi jumysqa ornalasý demekshi, óziniń tórt jyl boiy alǵan bilimi men tájiribesin kórsetýdi árbir jas óziniń maqsaty sanaidy.
Osy oraida, atalǵan is-shara Stýdentterge úlken múmkindik berip, túlekter túrli emotsiiaǵa berilip, bolashaqta memlekettik qyzmetshi bolyp halyqqa qyzmet etýge barlyq jigerin salatynyna kámil senimde boldy.
Sonymen qatar, ashyq esik kúninde jastarǵa memlekettik qyzmetke ornalasý úshin tek qana bilimge sený qajettigi túsindirilip, memlekettik qyzmettiń qoǵam ómiri úshin mańyzy men qoǵamnyń damý úderisine qosatyn úlesi týraly aityldy.
Uiymdastyrýshylar mundai is-sharalardy ótkizý óz kezeginde jastardy memlekettik qyzmetke kóptep tartýǵa negiz bolatyndyǵyna senim bildirip, osy turǵydaǵy is-sharalardy dástúrli túrde ótkizý josparlanǵandyǵyn alǵa tartty.
