Májilis depýtaty Nurtaı Sabılánov boıdaq salyǵyna qatysty pikir bildirip, onyń jastarǵa keri áser etetinin málimdedi, dep habarlaıdy Dalanews.kz.

Onyń aıtýynsha, boıdaq salyǵyn engizý eshqandaı máseleni sheshpeıdi, kerisinshe, jastarǵa qosymsha júk bolady.

“Biz jastardy qoldap, olarǵa qajet jaǵdaı jasaýymyz kerek. Eger olarǵa úılenbegeni úshin salyq salsaq, bul úlken qatelik bolar edi”, — dep atap ótti depýtat.

Osy tusta Sabılánov jas kezinde 1988-1991 jyldar aralyǵynda boıdaq salyǵyn tólegenin de qosa ketti. Ol sol ýaqytta Almatydaǵy elektrotehnıkalyq zaýytta jumys istep, jalaqysynan salyq ustalǵanyn eske aldy.

“Alaıda boıdaq salyǵyn tólegenim — tez úılenip, otbasyn qurýyma sebep bolǵan joq. 31 jasymda shańyraq kóterdim”, — dep qosty depýtat.

Nurtaı Sabılánov jastarǵa qoldaý kórsetip, kásippen aınalysýyna múmkindik jasaý qajet ekenin atap ótti. Sonymen qatar jastarǵa salyq salýdyń ornyna olardyń jaǵdaıyn jaqsartýǵa kómektesý kerek ekenin jetkizdi.