Qazir zaman ózgerip, dáýirdiń suranysy almasty. Yqylym zamandaǵydai qylyshpen saýyt sókken ýaqyt tarih qoinaýyna sińip, jańa tehnologiialar men tyń kózqarastardyń mezeti týdy. Sondyqtan da saiasi arenaǵa jańa oilai alatyn jastardy tartý – zaman talaby ekendigi málim.
Sailaýaldy baǵdarlamany nasihattaý jáne halyqqa jaqyn bolý nietinde A.Esenbekov kóptegen sharalardy atqarýda.
Eń aldymen «Esikten esikke» aktsiiasy aiasynda Úsharal qalasynyń turǵyndarymen kanvassing kezdesýler uiymdastyryp, sailaýshylarmen erkin formatta suhbat júrgizýde.
«Jas kelse – iske» demekshi, boiyndaǵy jastyq qýatyn halyq múddesine qarai jumsaýdy mindet etken úmitker shahar turǵyndarynyń tilekteri men usynystaryn tyńdap, partiia tarapynan josparlanǵan jumystar legimen tanystyrdy.
Sonymen qatar Úsharal bastaýysh partiia uiymynyń múshelerimen, aýdandyq jumyspen qamtý jáne áleýmettik baǵdarlamalar bóliminiń qyzmetkerlerimen, óńirimizdiń ata basylymy, aýdandyq «Alakól» gazetiniń ujymymen ekspromt kezdesýler jasap, suraqtaryna jaýap berdi.
Bolashaq kiltin ýystarynda ustaǵan jastarmen jumysty jandandyryp, olardyń óńirimizge qatysty saiasi, ekonomikalyq, sonymen qatar ózge de mańyzdy sharýlaryna aralasyp, jeke pikirleri men paiymdaryn bildirýlerine, olardy jumyspen qamtýǵa arnalǵan memlekettik baǵdarlamalardyń tiimdi oryndalýyna septesý. Álemdik arenada «Qazaqstandyq jastar» degen brendti qalyptastyrýda Alakóldik qatarlastarymnyń da bolýyna demdeý bolyp otyr. Jas bolsa da óz salasynda eleýli jetistikterge jete bilgen jáne qaiyrymdylyq isterinde erekshe kózge túsip júrgen úmitkerdiń maqsattaryna jetýine depýtattyq mandattyń eleýli áser eteri sózsiz.
T.QABYLQANOV, Alakól aýdandyq «Nur Otan» partiiasynyń sailaýaldy shtaby qoǵamdyq qabyldaý bólimi sarapshysynyń kómekshisi.
(Material aqysy «Nur Otan» partiiasynyń Almaty oblysy Alakól aýdanynyń Sailaý qorynyń esebinen tólendi)
