Sodan beri kásibi bir júiege túsken Islambek búginde avtokólikke qajetti túrli tazartqyshtardyń (filtr) 280-nen astam túrin jasap shyǵarady.
Qazir táýligine 1000 danaǵa deiin ónim kásipkerdiń shaǵyn ǵana tsehynda shyǵarylady. Eń bastysy, bul daiyn ónimge qajetti shikizattyń 70-80 paiyzy – otandyq ónim. Tek qajetti qaǵazy ǵana Qytaidan ákelinedi eken. Jas kásipker endi sol dúnieni de osynda óndirýdi josparlap otyr.
Sonymen qatar aýyr júk kólikterine arnalǵan aýa tazartqyshtar bizdiń naryqqa kórshi Qytai jáne Eýropa elderinen jetkiziletin edi. Endi Túrkistandaǵy Islambektiń shaǵyn ǵana tsehynda shyǵarylyp jatyr.
Shaǵyn tsehtyń iesi búginde 8 adamdy jumyspen qamtyp otyr. Aldaǵy ýaqytta kásibin keńeitýdi josparlap otyrǵan Islambek otandyq ónimniń kólemin 100 paiyzǵa jetkizip, iaǵni Qytaidan ákelinetin shikizat qaǵazdy da osynda shyǵarýdy keler jyly bastaýǵa táýekel etip otyr. Ol kezde qosymsha jumys kúshi de qejit bolady eken. qazirgi tańda Islambek Jandardyń tsehynda bir aida aýa, mai jáne benzin tazartqyshtyń 280-nen astam túrinen 25 myń danasy shyǵarylady. Aldaǵy ýaqytta onyń kólemi eselep artpaq. Sebebi ol «Yrys» qarjy uiymynyń «Jas kásipker» baǵdarlamasy boiynsha grantyn utyp alǵan.
