Búgin alǵash ret óńir jastaryn qoldaýǵa arnalǵan erekshe shara – «Aqberen» jastar syilyǵynyń marapattaý keshi ótip, belsendi ári jalyndy jastardyń basyn biriktirdi, dep habarlaidy Dalanews.kz.
Sharaǵa qatysqan oblys ákimi Ashat Shaharov daryndy jastardy qoldaý – mańyzdy mindet ekenin aityp, olardyń aimaqtyń damýyna qosyp jatqan úlesin joǵary baǵalady.
«Búgin biz Aqtóbe oblysynyń bilim, sport, shyǵarmashylyq jáne qoǵamdyq qyzmet salalarynda eleýli jetistikterge jetken belsendi de daryndy jastaryn qurmettep otyrmyz. Prezidentimizdiń «Jastar – eldiń eń úlken kapitaly, eń qýatty kúshi» dep únemi atap ótip, sonymen birge, «el bolashaǵy – bilimdi, ultjandy, jaýapty urpaqtyń qolynda» degen sózderi barlyǵymyzǵa baǵyt-baǵdar. Osy tujyrymdar bizdi jas býyndy qoldaý men tárbieleý isinde naqty qadamdar jasaýǵa jeteleidi. Árqaisysyńyz boiyńyzda otansúigishtik, jaýapkershilik, eńbekqorlyq pen shyǵarmashylyq kózqarasty qalyptastyrýyńyz mańyzdy. «Aqtóbe jastary» jáne «Táýelsizdik urpaqtary» siiaqty qoldaý baǵdarlamalary óz maqsattaryńyzdy júzege asyrýǵa múmkindik beredi. Sizderdiń jetistikterińiz – búkil óńirdiń maqtanyshy ári óskeleń urpaqqa úlgi. Aldaǵy ýaqytta da tabysty eńbek etip, jańa belesterdi baǵyndyrýlaryńyzǵa tilektespin!», – dedi oblys ákimi.
Ashat Shaharov jastardy qoldaý memlekettiń strategiialyq basymdyǵy ekenin atap ótti. Biyl «Aqtóbe jastary» baǵdarlamasy aiasynda 109 jas turǵyn úimen qamtyldy. Belsendi jastar óz jobalaryn júzege asyrý úshin 1,3 mln teńge kólemindegi «Táýelsizdik urpaqtary» grantyna úmitker bola alady. Sonymen qatar «Jasyl el» baǵdarlamasy arqyly úsh myńnan astam jas maýsymdyq jumyspen qamtyldy, al «Jaidarman» jobasy olardyń shyǵarmashylyq áleýetin damytýǵa yqpal etti.
Is-shara barysynda óńir basshysy túrli salada joǵary jetistikterge jetken jastarǵa alǵys bildirdi. Olardyń qatarynda «Dara Bala» bilim berý aqparattyq júiesiniń avtory Maqsat Bisenov, «RobiGroup» kompaniiasynyń negizin qalaýshy jáne elimizdegi alǵashqy gýmanoid robotty jasaýshy Ermek Serikbai, «Thousand IT Group» kompaniiasynyń jetekshisi Aibolat Qulatai bar. Sondai-aq sport pen óner salasynyń ókilderi de marapattaldy. Atap aitqanda, respýblikalyq «Altyn dombyra» aitysynda ekinshi oryn alǵan aitysker Nurbol Jaýynbaev jáne grek-rim kúresinen álem men Aziianyń eki dúrkin chempiony Jańajol Qýanyshbek.
«Aqberen» syilyǵyn tabystaý rásimi jetistikter merekesi ǵana emes, jastardy jańa belesterge jeteleitin, qabiletterin damytýǵa jáne óńir ómirine belsendi aralasýǵa shabyt beretin mańyzdy alańǵa ainaldy.
Atalǵan syilyqqa Baiǵanin jáne Shalqar aýdandarynyń «jastar resýrstyq ortalyqtarynyń úzdik basshylary» Meiirbolat Shandybai men Aibek Embergenov laiyq dep tanyldy. «Úzdik jýrnalist» atalymyn Nazerke Aldiiarova ielense, «Jastar isi jónindegi komitettiń úzdik tóraiymy» – Juldyz Qaldybai atandy. «Úzdik jas kásipker» – Batyljan Jetkergen, «Úzdik stýdent» – Beksultan Tóleýsary, al «Úzdik qyzmetker» – Marǵulan Úmbaev dep tanyldy. «Úzdik ofitser» ataǵy Sairan Sisenbaiǵa berildi, al «Úzdik uiym» nominatsiiasynda Farhad Saǵynbai jeńiske jetti.
Bul bastama - sózsiz jastardyń áleýetin ashyp, óńirdiń áleýmettik-ekonomikalyq damýyna serpin beredi.
