Qazirgi tańda «Nur Otan» partıasynyń alǵa qoıǵan negizgi mindetteri – partıany saılaý naýqanynda qoldaý, «Nur Otan» aımaqtaǵy aktıvterin keńeıtý jáne partıanyń strategıasyn júzege asyrýda partıa jaqtastaryn biriktirý boıynsha jumys júrgizý bolyp tabylady.
Tusaýkeser barysynda shtab basshysy, partıanyń Jarma aýdandyq fılıaly tóraǵasynyń birinshi orynbasary Berdibek Orazǵalıev saılaýaldy jarys kezeńindegi shtabtyń jumys josparyn jarıalady. Jumys josparyna jaýaptylar men basqa salalarǵa jaýapty adamdar tanystyryldy.
– Úmitkerlerdiń saılaýshylarmen, kásiporyndarmen, mekemelerdiń ujymdarymen, turǵyndardyń ár túrli sanattarymen kezdesýleri, qoǵamdyq qabyldaý bólmesiniń qyzmeti, bastaýysh partıa uıymynyń jastar qanatynyń is-sharalary – bul jumys joǵary deńgeıde ótýi kerek. Bul úshin biz barlyq kúsh pen múmkindikti qoldanýymyz qajet, – dep qorytyndylady shtab basshysy.
Úgit-nasıhat shtabynyń músheleri, partıa belsendileri A.Rahymbaev, Q.Túleýbaeva úgit-nasıhat jumystaryn oıdaǵydaı ótkizýge, «Nur Otan» partıasynyń aldaǵy saılaýda úlken jeńiske jetýine kúsh salatyndyqtaryn jetkizip, partıa múshelerine sáttilik tiledi. Osylaısha qoǵamdyq shtab saılaýaldy naýqanyna tyńǵylyqty kirisip ketti.
Maqala aqysyn Nur Otan partıasynyń Shyǵys Qazaqstan oblysy Jarma aýdanynyń Saılaý qorynyń qarajatynan tóledi
