Jıynǵa qatysqanymyzda aýdan basshysy ústimizdegi jyldyń sońǵy aılarynyń qorytyndysy boıynsha óndiristiń ónim kólemi 6,5 mln. Teńgeni quraǵanyn alǵa tartty. Qazirgi tańda Jarma aýdanynda ındýstrıalandyrý kartasy boıynsha mańyzdy eki joba iske asyp jatyr eken. Onyń biri quramynda altyny bar ken kózderin óńdeıtin «Artel starateleı Gornák» seriktestiginiń jobasy. Ken óndirisine beldi bekem býǵan seriktestik jańa zaýyttyń qurylysy aıaqtalǵanda jylyna 250 myń tonna ken óńdeýdi kózdep otyr. Bul jobany quny 7,7 mlrd. Teńgeni quraıdy.
Al ekinshi joba «Jańǵız - Solar» kompanıasy Jańǵyz tóbe aýylynda kún sáýelsinen qýat óndiretin elektr stansasynyń qurylys jumystaryn júrgizip jatqanyn baspasóz máslıhatynda Nurlan Sadyqov alǵa tartty. Jyl saıyn 30 megavat qýat kózin óndiretin jobanyń quny 18 mlrd. Teńgeni quraıtynyn aıta ketýimiz kerek.
Sonymen qatar aýdannyń geogarfıalyq ornalasýy aımaqta týrızm salasyn órkendetýge múmkindik beretinin tilge tıek etken aýdan ákimi respýblıkalyq mańyzdy joldyń boıynda jolaýshylarǵa qyzmet kórsetetin keshender salynǵanyn aıtty.
