جيىنعا قاتىسقانىمىزدا اۋدان باسشىسى ۇستىمىزدەگى جىلدىڭ سوڭعى ايلارىنىڭ قورىتىندىسى بويىنشا ءوندىرىستىڭ ءونىم كولەمى 6،5 ملن. تەڭگەنى قۇراعانىن العا تارتتى. قازىرگى تاڭدا جارما اۋدانىندا يندۋستريالاندىرۋ كارتاسى بويىنشا ماڭىزدى ەكى جوبا ىسكە اسىپ جاتىر ەكەن. ونىڭ ءبىرى قۇرامىندا التىنى بار كەن كوزدەرىن وڭدەيتىن «ارتەل ستاراتەلەي گورنياك» سەرىكتەستىگىنىڭ جوباسى. كەن وندىرىسىنە بەلدى بەكەم بۋعان سەرىكتەستىك جاڭا زاۋىتتىڭ قۇرىلىسى اياقتالعاندا جىلىنا 250 مىڭ توننا كەن وڭدەۋدى كوزدەپ وتىر. بۇل جوبانى قۇنى 7،7 ملرد. تەڭگەنى قۇرايدى.
ال ەكىنشى جوبا «جاڭعيز - سولار» كومپانياسى جاڭعىز توبە اۋىلىندا كۇن ساۋەلسىنەن قۋات وندىرەتىن ەلەكتر ستانساسىنىڭ قۇرىلىس جۇمىستارىن جۇرگىزىپ جاتقانىن باسپا ءسوز ءماسليحاتىندا نۇرلان سادىقوۆ العا تارتتى. جىل سايىن 30 مەگاۆات قۋات كوزىن وندىرەتىن جوبانىڭ قۇنى 18 ملرد. تەڭگەنى قۇرايتىنىن ايتا كەتۋىمىز كەرەك.
سونىمەن قاتار اۋداننىڭ گەوگارفيالىق ورنالاسۋى ايماقتا تۋريزم سالاسىن وركەندەتۋگە مۇمكىندىك بەرەتىنىن تىلگە تيەك ەتكەن اۋدان اكىمى رەسپۋبليكالىق ماڭىزدى جولدىڭ بويىندا جولاۋشىلارعا قىزمەت كورسەتەتىن كەشەندەر سالىنعانىن ايتتى.
