Jarkenttik Jaqybaevtar áýletinen 33 adam bir mezette referendýmda daýys berdi

Kórkem Aldabergenova 06 qaz. 2024 10:52 1073

Máýeli báıterekteı jaıqalǵan Jaqybaevtar áýletinen 33 adam bir mezette Panfılov aýdany Jarkent qalasyndaǵy № 326 daýys berý ýchaskesine kelip, óz tańdaýlaryn jasady, dep habarlaıdy Dalanews.kz.

Bul áýlet jazıraly Jarkentte týyp, ósip-ónip, urpaǵyn órbitip otyr.

"Urpaǵynyń jarqyn bolashaǵyn qalaıtyn ár adam saılaýǵa zor úmitpen keledi. Biz de áýletimizben birge kelip, tańdaýymyzdy jasap turmyz. Táýelsiz elimizdiń bolashaǵy degende barlyǵymyz bir kisideı jumylýymyz kerek", - dedi daýys berý ýchaskesine balalarymen birge kelgen 85 jastaǵy Azıa Jaqybaeva.

9 bala, 36 nemere, 69 shóbere súıip otyrǵan ana ár adam qabyldaǵan sheshim memleketimizdiń odan ári damýyna áser etetinin aıtyp, jurtshylyqty daýys berýge shaqyrdy.

Eske salsaq, daýys berý tizimine 12,3 mıllıonǵa jýyq qazaqstandyq engizilgen.

Referendýmǵa 30 shet memleket pen tórt halyqaralyq uıymnyń (Táýelsiz Memleketter Dostastyǵy, Shanhaı yntymaqtastyq uıymy, Túrki memleketteri uıymy, Azıadaǵy ózara is-qımyl jáne senim sharalary jónindegi keńes) atynan 177 baıqaýshy qatysady.

Daýys berý barysyn 14 memlekettiń ortalyq saılaý organdarynyń ókilderi, sonyń ishinde Ázirbaıjan, Belarýs, Tájikstan jáne Ózbekstan ortalyq saılaý organdarynyń tóraǵalary da baqylap otyr.

Qazaqstan Respýblıkasynyń Syrtqy ister mınıstrligi 37 elden 200 sheteldik jýrnalıserdi akkredıttedi, olar da respýblıkalyq referendýmdy baqylap, aqparat taratady.