Áleýmettik jelilerdegi, ásirese, Threads-tegi "jar izdeimin", "tanysqym keledi" degen jazbalarǵa bailanysty ministrlik eskertý jasady, dep habarlaidy Dalanews.kz.
Vedomstvo málimetinshe, mundai jazbalardyń artynda qarapaiym jeli qoldanýshylarynan bólek alaiaqtar da bolýy múmkin.
"Alaiaqtar kóbine ózderin tartymdy jigit nemese qyz retinde tanystyryp, hat almasyp, adamǵa erekshe kóńil bólip, qysqa ýaqyt ishinde senimge kiredi. Ýaqyt óte kele áńgime qarjylai kómek suraýǵa ulasýy múmkin. Alaiaqtyq shema ádette bylai órbidi: belsendi qarym-qatynas ornatý jáne emotsiialyq táýeldilik qalyptastyrý; ómirdegi qiyn jaǵdailar, aýrý, shuǵyl shyǵyndar nemese tiimdi investitsiialar týraly áńgimeler; aqsha aýdarýdy, onyń ishinde qarajatty sheteldik kriptoámiiandarǵa aýdarýdy nemese úshinshi tulǵalar arqyly jiberýdi suraý; qarajat alynǵannan keiin bailanys úzilip, jábirlenýshini buǵattaý", - dedi IIM ókili.
Ministrlik ekrannyń arǵy jaǵyndaǵy adam sizden aqsha aýdarýdy surasa, beinebailanystan jáne jeke kezdesýden qashsa, internettegi sýretterdi paidalansa, saq bolǵan jón ekenin málimdedi.
"Alaiaqtardyń arbaýyna túsip qalmas úshin: internet arqyly tanysqan adamdarǵa aqsha jáne jeke derekti bermeý; jeke sýretterdi jibermeý; kúmándi siltemelerge ótpeý; suhbattasýshynyń profilin jáne ol týraly aqparatty tekserý; kúmán týyndaǵan jaǵdaida jazbany toqtatý kerek", - dep eskertti IIM ókili.
