«BAQ tórtinshi bilik deidi ǵoi. Elimizdegi barsha jýrnalister qaýymyn merekelerimen quttyqtaimyn.
Jetisýdaǵy biylǵy Jýrnalister kúnin airyqsha atap óttik. Biyl «Jetisý» jáne «Ogni Alataý» gazetteriniń qurylǵanyna 100 jyl toldy. Úlken toi. Osy toiǵa tyńǵylyqty daiyndyqpen keldik.
Jýrnalistikadaǵy jastar, orta býyn ókilderi, osy salanyń jiligin jaǵyp, maiyn ishken qairatkerler qaýymynyń eńbegin elep-eskerip osynaý shara aiasynda 6 birdei jýrnalistke páter kiltin tabys ettik!
Bul úlken qýanysh jáne jalǵasty bolǵany jón.
Jýrnalister – buqara men biliktiń arasyndaǵy altyn kópir ǵoi. Altyn kópir neǵurlym myqty bolsa jáne mindetin oidaǵydai atqarsa buqara men biliktiń arasyndaǵy dialog ta soǵurlym shynaiy bolmaq.
Qazaq jýrnalistikasy jyl ótken saiyn damyp, jetilip keledi. Qazaqstan kópultty el. Áitkenmen aitý mindet.
Táýelsizdik alǵan ýaqyttan beri tildiń damýymen birge qazaqtildi BAQ-tyń sany da, sapasy da artýda.
Tiisinshe qazaqtildi aqparat quraldarynyń qoǵam ómirindegi mańyzdylyǵy, salmaǵy da arta túsýde. Eń bastysy jyldan-jylǵa qazaqtildi aqparattyń tutynýshylary, oqyrmandary kóbeiip keledi.
Ózine qajetti aqparatty qazaqsha oqyp bilgisi keletin aýqymdy aýditoriia qalyptasty jáne ol ósý ústinde. Munyń bári qazaqtildi segmenttiń artýyna, damýyna múmkindiginiń molaiýyna áser etip jatyr.
Mereke qutty bolsyn! Qalam muqalmasyn. Jazar kóbeisin», – dedi Jaqsylyq Omar.
