«ب ا ق ءتورتىنشى بيلىك دەيدى عوي. ەلىمىزدەگى بارشا جۋرناليستەر قاۋىمىن مەرەكەلەرىمەن قۇتتىقتايمىن.
جەتىسۋداعى بيىلعى جۋرناليستەر كۇنىن ايرىقشا اتاپ وتتىك. بيىل «جەتىسۋ» جانە «وگني الاتاۋ» گازەتتەرىنىڭ قۇرىلعانىنا 100 جىل تولدى. ۇلكەن توي. وسى تويعا تىڭعىلىقتى دايىندىقپەن كەلدىك.
جۋرناليستيكاداعى جاستار، ورتا بۋىن وكىلدەرى، وسى سالانىڭ جىلىگىن جاعىپ، مايىن ىشكەن قايراتكەرلەر قاۋىمىنىڭ ەڭبەگىن ەلەپ-ەسكەرىپ وسىناۋ شارا اياسىندا 6 بىردەي جۋرناليستكە پاتەر كىلتىن تابىس ەتتىك!
بۇل ۇلكەن قۋانىش جانە جالعاستى بولعانى ءجون.
جۋرناليستەر – بۇقارا مەن بيلىكتىڭ اراسىنداعى التىن كوپىر عوي. التىن كوپىر نەعۇرلىم مىقتى بولسا جانە مىندەتىن ويداعىداي اتقارسا بۇقارا مەن بيلىكتىڭ اراسىنداعى ديالوگ تا سوعۇرلىم شىنايى بولماق.
قازاق جۋرناليستيكاسى جىل وتكەن سايىن دامىپ، جەتىلىپ كەلەدى. قازاقستان كوپۇلتتى ەل. ايتكەنمەن ايتۋ مىندەت.
تاۋەلسىزدىك العان ۋاقىتتان بەرى ءتىلدىڭ دامۋىمەن بىرگە ءقازاقتىلدى باق-تىڭ سانى دا، ساپاسى دا ارتۋدا.
تيىسىنشە ءقازاقتىلدى اقپارات قۇرالدارىنىڭ قوعام ومىرىندەگى ماڭىزدىلىعى، سالماعى دا ارتا تۇسۋدە. ەڭ باستىسى جىلدان-جىلعا ءقازاقتىلدى اقپاراتتىڭ تۇتىنۋشىلارى، وقىرماندارى كوبەيىپ كەلەدى.
وزىنە قاجەتتى اقپاراتتى قازاقشا وقىپ بىلگىسى كەلەتىن اۋقىمدى اۋديتوريا قالىپتاستى جانە ول ءوسۋ ۇستىندە. مۇنىڭ ءبارى ءقازاقتىلدى سەگمەنتتىڭ ارتۋىنا، دامۋىنا مۇمكىندىگىنىڭ مولايۋىنا اسەر ەتىپ جاتىر.
مەرەكە قۇتتى بولسىن! قالام مۇقالماسىن. جازار كوبەيسىن»، – دەدى جاقسىلىق ومار.
