Keńes otyrysynda málim bolǵandaı, oblystyq basqarmalardyń kóbi BAQ ókilderine qajetti aqparat tapsyrmaı, usynys hattaryna jaýap bermeı kelgen. Sonyń ishinde Tabıǵı monopolıalardy retteý jáne básekelestikti qorǵaý komıtetiniń SHQO boıynsha departamenti, Bilim basqarmasy gazetter men tilshilerdiń tikeleı saýalyna, tipti resmı hattaryna túrli syltaý aıtyp, aqparattar tapsyrmaǵan.
– Turǵyndarǵa dáıekti, shanaıy aqparattardy taratý úshin oblystyq basqarmalar BAQ ókilderimen tyǵyz jumys jasaýy qajet. Tikeleı qoıylǵan saýaldarǵa jaýap berip, suraǵan aqparattaryn tabystap otyryńyzdar, – dedi Jaqsylyq Omar.
Keńes sońynda ákim orynbasary BAQ ókilderine eger qandaı da bir basqarma basshysy saýalǵa jaýap berýden bas tartqan jaǵdaıda, maqalaǵa dál solaı «saýalǵa jaýap berýden bas tartty» dep jarıalaýdy usyndy.
