كەڭەس وتىرىسىندا ءمالىم بولعانداي، وبلىستىق باسقارمالاردىڭ كوبى ب ا ق وكىلدەرىنە قاجەتتى اقپارات تاپسىرماي، ۇسىنىس حاتتارىنا جاۋاپ بەرمەي كەلگەن. سونىڭ ىشىندە تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ شقو بويىنشا دەپارتامەنتى، ءبىلىم باسقارماسى گازەتتەر مەن تىلشىلەردىڭ تىكەلەي ساۋالىنا، ءتىپتى رەسمي حاتتارىنا ءتۇرلى سىلتاۋ ايتىپ، اقپاراتتار تاپسىرماعان.
– تۇرعىندارعا دايەكتى، شانايى اقپاراتتاردى تاراتۋ ءۇشىن وبلىستىق باسقارمالار ب ا ق وكىلدەرىمەن تىعىز جۇمىس جاساۋى قاجەت. تىكەلەي قويىلعان ساۋالدارعا جاۋاپ بەرىپ، سۇراعان اقپاراتتارىن تابىستاپ وتىرىڭىزدار، – دەدى جاقسىلىق ومار.
كەڭەس سوڭىندا اكىم ورىنباسارى ب ا ق وكىلدەرىنە ەگەر قانداي دا ءبىر باسقارما باسشىسى ساۋالعا جاۋاپ بەرۋدەن باس تارتقان جاعدايدا، ماقالاعا ءدال سولاي «ساۋالعا جاۋاپ بەرۋدەن باس تارتتى» دەپ جاريالاۋدى ۇسىندى.
