Jaqynda ustalǵan Sátbaev qalasynyń ákimi Shapaǵat Áýbákirdiń otbasy advokattyń qyzmetine 4,5 million teńge jinap jatyr, - dep habarlaidy Dalanews.kz.
Áleýmettik jelide Áýbákirovti qorǵaýǵa arnalǵan kampaniia bastalyp ketken. Ákimniń jaqyndary men dostary Shapaǵat Áýbákirovke jala jabylǵanyn aitady. Onyń áieli Manat Áýbákirovanyń shotyna aqsha jinaý bastalǵan.
Messendjerlerde sheneýniktiń áieli prezidentke úndeý jasap, tergeýdi baqylaýyna alýyn suraǵan video taraǵan. Ustalǵan ákimniń áieli onyń da, kúieýiniń de artyq aqshasy joǵyn aitady. Videoda áiel adamnan bólek qasynda bes balasy otyr.
Qazirgi ýaqytta Shapaǵat Áýbákirovti qorǵaý jumystarymen ainalysatyn advokattyń qyzmetine 4,5 million teńge jinaý bastalǵan.
Aita keteik, 6 aqpanda Sybailas jemqorlyqqa qarsy qyzmet agenttigi Telegram-arnasynda Ulytaý oblysy, Sátbaev qalasynyń ákimi Shapaǵat Ábákirdiń ustalǵany jaily málimet taratty.
Kúdikti ár jyldary qalalyq ekonomika jáne biýdjetti josparlaý biliminde birneshe laýazymda qyzmet etken. Al 2023 jyly Satbaev qalasynyń ákimi laýazymyna taǵaiyndalǵan. Sybailas jemqorlyqqa qarsy qyzmetI kúdiktiniń sotqa deiingi tergeý sheńberinde ustalǵanyn rastady.
