Japondar ózbekstandyq medbikelerdi jumysqa shaqyrady
Kelissózden keiin myńǵa jýyq ózbekstandyq medbikeler Japoniiaǵa jumys isteýge barady dep josparlanyp otyr. «Japoniiada bala týý tómendep jatyr. Onda qariialardy kútetin adam jetispeidi. Osy tapshylyqtyń ornyn toltyrý úshin japondyq korporatsiia arnaiy baǵdarlama ázirlep, ózbekstandyqtardy jumysqa tartqysy keledi», -dedi eńbek ministrliginiń ókili.
Onyń sózderinshe, japoniialyq delegatsiia uzaq merzimdi yntymaqtastyq ornatqymyz keledi dep málimdegen. Qazirgi ýaqytta jumysshylardyń ortasha jasy, qoiylatyn talaptar, biligi talqylanyp jatyr eken. Munan bólek Ózbekstannyń birqatar meditsinalyq kolledjinde japon tilin engizý múmkindigi qarastyrylyp jatqan kórinedi.
«Irikteý kezinde jumysshynyń meditsinalyq bilimi onshalyqty mańyzdy bolmaidy. Japondyqtar bul úshin arnaiy kýrstan ótýi jetkilikti deidi. Olar qazirdiń ózinde japon tilin azdap biletin 35 medbikeni ertip ketýge daiar eken», - deidi ministrlik ókili.
Atalǵan japoniialyq korporatsiia aýrýhana, qarttar úii jáne demalys oryndarynda qariialarǵa kútim jasaý qyzmetimen ainalysady.
