كەلىسسوزدەن كەيىن مىڭعا جۋىق وزبەكستاندىق مەدبيكەلەر جاپونياعا جۇمىس ىستەۋگە بارادى دەپ جوسپارلانىپ وتىر. «جاپونيادا بالا تۋۋ تومەندەپ جاتىر. وندا قاريالاردى كۇتەتىن ادام جەتىسپەيدى. وسى تاپشىلىقتىڭ ورنىن تولتىرۋ ءۇشىن جاپوندىق كورپوراسيا ارنايى باعدارلاما ازىرلەپ، وزبەكستاندىقتاردى جۇمىسقا تارتقىسى كەلەدى»، -دەدى ەڭبەك مينيسترلىگىنىڭ وكىلى.
ونىڭ سوزدەرىنشە، جاپونيالىق دەلەگاسيا ۇزاق مەرزىمدى ىنتىماقتاستىق ورناتقىمىز كەلەدى دەپ مالىمدەگەن. قازىرگى ۋاقىتتا جۇمىسشىلاردىڭ ورتاشا جاسى، قويىلاتىن تالاپتار، بىلىگى تالقىلانىپ جاتىر ەكەن. مۇنان بولەك وزبەكستاننىڭ ءبىرقاتار مەديسينالىق كوللەدجىندە جاپون ءتىلىن ەنگىزۋ مۇمكىندىگى قاراستىرىلىپ جاتقان كورىنەدى.
«ىرىكتەۋ كەزىندە جۇمىسشىنىڭ مەديسينالىق ءبىلىمى ونشالىقتى ماڭىزدى بولمايدى. جاپوندىقتار بۇل ءۇشىن ارنايى كۋرستان ءوتۋى جەتكىلىكتى دەيدى. ولار ءقازىردىڭ وزىندە جاپون ءتىلىن ازداپ بىلەتىن 35 مەدبيكەنى ەرتىپ كەتۋگە دايار ەكەن»، - دەيدى مينيسترلىك وكىلى.
اتالعان جاپونيالىق كورپوراسيا اۋرۋحانا، قارتتار ءۇيى جانە دەمالىس ورىندارىندا قاريالارعا كۇتىم جاساۋ قىزمەتىمەن اينالىسادى.
