«Januia» ortalyǵy áleýmettik álsiz otbasylardyń ómir súrý sapasyn arttyrýdy kózdeidi
Ortalyqtyń jumysy bir tereze qaǵidaty boiynsha júzege asyrylýda. «Januia» mamandary áleýmettik jaǵdaiy tómen otbasylardy áleýmettik baǵdarlamalar týraly aqparattandyrady, qajetti qujattardy daiyndaýǵa kómektesedi. Sondai-aq zańgerlik jáne psihologiialyq keńes, ońaltý kómegin jáne basqa da qyzmet túrlerin usynady.
– «Januia» az qamtylǵan jáne kóp balaly otbasylarǵa arnalǵan áleýmettik ortalyq Taldyqorǵan qalasynyń jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń bastamasymen qurylǵan. Ortalyqty qurýdaǵy maqsatymyz Taldyqorǵan qalasynda turatyn áleýmettik álsiz otbasylardyń ómir súrý sapasyn arttyrý, ekonomikalyq derbestikti nyǵaitý jáne azamattardyń ómirlik qiyn jaǵdaidan shyǵý úshin jeke ýájdemesin nyǵaitý bolyp tabylady, – deidi Almaty oblystyq áielderdi qoldaý ortalyǵynyń prezidenti Janar Nurmuhanova.
Búgingi tańda «Januia» ortalyǵy balaly otbasylardy jeke-baǵdarly súiemeldeýdi qamtamasyz etedi. Buǵan psihologiialyq-bilim berý, quqyqtyq, áleýmettik-meditsinalyq, eńbek jáne mádeni sipattaǵy is-sharalar kiredi.
«Januia» az qamtylǵan jáne kóp balaly otbasylarǵa arnalǵan áleýmettik ortalyqtyń ókili Madina Belgibaevanyń aitýynsha, kóp balaly analar munda tigin isi, bet árleý, kompiýterlik saýattylyq jáne aspazdyq boiynsha oqytý kýrstarynan ótedi.
Osy kezeńde ortalyqqa 2000-nan astam otbasy kómek surady. Onyń 175-ine psihologiialyq kómek kórsetilse, 190 otbasyǵa «Januia» ortalyǵynyń zańgerlik qyzmeti kórsetildi.
