Janseiit Túimebaev: "Halyqtyń densaýlyǵyn saqtaý – memleket úshin asa mańyzdy"
Basty qujatta Memleket basshymyz tiimdiligi az jáne memleket úshin shyǵyny kóp dispanserlik em qoldanýdan negizgi sozylmaly aýrýlarǵa alystan diagnostika jasap, sondai-aq osy salany ambýlatorlyq emdeý arqyly basqarýǵa kóshý qajet ekenin atap ótken bolatyn.
Iaǵni, meditsina mekemeleri ozyq meditsinalyq qural jabdyqtarmen qamtamasyz etilip, dárigerler halyqqa sapaly qyzmet kórsetýi tiis. Osy baǵyttaǵy jumystardy jandandyrý maqsatynda oblys ákimdigi tarapynan tiisti jumystar atqarylyp jatyr.
– Búginde meditsinalyq tirekterdiń qurylysyn júrgizýge modýldik konstrýktsiia úlgisi usynylyp otyr. Modýldik konstrýktsiiany qurastyrý tásili ýaqytty jáne biýdjet qarajatyn tiimdi jumsaýǵa oń áserin tigizedi. Osyndai meditsinalyq tirekte naýqastarǵa birinshi meditsinalyq sanitarlyq kómek kórsetiletin bolady, – dedi ákim.
Aita keteiik, Sairam aýdanyna 2018 jyly osy úlgidegi 5 meditsinalyq tirek satyp alynyp, aýdannyń densaýlyq saqtaý nysanyna degen máselesin 100 paiyzǵa sheshý josparǵa qoiylyp otyr. Sondai-aq, Aqsýkent aýylynda aýysymyna 500 kelýshige arnalǵan emhana qurylysy salynýda. Budan bólek, aýdanǵa kompiýterlik tomograf satyp alynyp, insýlt ortalyǵyn ashý josparlanyp otyr.
Jalpy oblysta jyl sońyna deiin modýldi quramaly taǵy 47 meditsinalyq pýnkt tapsyrlatyn bolady. Alańy 125 sharshy metrdi quraityn, meditsinalyq quraldarmen jabdyqtalǵan modýldik konstrýktsiianyń quny 30 mln.teńge.
Al, 2017 jyly oblys boiynsha 33 densaýlyq saqtaý nysany paidalanýǵa berildi. Jalpy Ońtústik Qazaqstan oblysy boiynsha 846 meditsinalyq nysan bar bolsa, onyń ishinde 225-i meditsinalyq tirek bolyp tabylady.
