باستى قۇجاتتا مەملەكەت باسشىمىز تيىمدىلىگى از جانە مەملەكەت ءۇشىن شىعىنى كوپ ديسپانسەرلىك ەم قولدانۋدان نەگىزگى سوزىلمالى اۋرۋلارعا الىستان دياگنوستيكا جاساپ، سونداي-اق وسى سالانى امبۋلاتورلىق ەمدەۋ ارقىلى باسقارۋعا كوشۋ قاجەت ەكەنىن اتاپ وتكەن بولاتىن.
ياعني، مەديسينا مەكەمەلەرى وزىق مەديسينالىق قۇرال جابدىقتارمەن قامتاماسىز ەتىلىپ، دارىگەرلەر حالىققا ساپالى قىزمەت كورسەتۋى ءتيىس. وسى باعىتتاعى جۇمىستاردى جانداندىرۋ ماقساتىندا وبلىس اكىمدىگى تاراپىنان ءتيىستى جۇمىستار اتقارىلىپ جاتىر.
– بۇگىندە مەديسينالىق تىرەكتەردىڭ قۇرىلىسىن جۇرگىزۋگە مودۋلدىك كونسترۋكسيا ۇلگىسى ۇسىنىلىپ وتىر. مودۋلدىك كونسترۋكسيانى قۇراستىرۋ ءتاسىلى ۋاقىتتى جانە بيۋدجەت قاراجاتىن ءتيىمدى جۇمساۋعا وڭ اسەرىن تيگىزەدى. وسىنداي مەديسينالىق تىرەكتە ناۋقاستارعا ءبىرىنشى مەديسينالىق سانيتارلىق كومەك كورسەتىلەتىن بولادى، – دەدى اكىم.
ايتا كەتەيىك، سايرام اۋدانىنا 2018 جىلى وسى ۇلگىدەگى 5 مەديسينالىق تىرەك ساتىپ الىنىپ، اۋداننىڭ دەنساۋلىق ساقتاۋ نىسانىنا دەگەن ماسەلەسىن 100 پايىزعا شەشۋ جوسپارعا قويىلىپ وتىر. سونداي-اق، اقسۋكەنت اۋىلىندا اۋىسىمىنا 500 كەلۋشىگە ارنالعان ەمحانا قۇرىلىسى سالىنۋدا. بۇدان بولەك، اۋدانعا كومپيۋتەرلىك توموگراف ساتىپ الىنىپ، ينسۋلت ورتالىعىن اشۋ جوسپارلانىپ وتىر.
جالپى وبلىستا جىل سوڭىنا دەيىن ءمودۋلدى قۇرامالى تاعى 47 مەديسينالىق پۋنكت تاپسىرلاتىن بولادى. الاڭى 125 شارشى مەتردى قۇرايتىن، مەديسينالىق قۇرالدارمەن جابدىقتالعان مودۋلدىك كونسترۋكسيانىڭ قۇنى 30 ملن.تەڭگە.
ال، 2017 جىلى وبلىس بويىنشا 33 دەنساۋلىق ساقتاۋ نىسانى پايدالانۋعا بەرىلدى. جالپى وڭتۇستىك قازاقستان وبلىسى بويىنشا 846 مەديسينالىق نىسان بار بولسا، ونىڭ ىشىندە 225ء-ى مەديسينالىق تىرەك بولىپ تابىلادى.
