Janseiit Túimebaev Úndistan elshisimen kezdesti
Kezdesý barysynda Janseiit Túimebaev mártebeli meimanǵa jyldyń basynda resmi túrde bastalǵan Qazaqstandaǵy diplomatiialyq missiiasyna sáttilik tilep, yntymaqtastyq jyldarynda Qazaqstan men Úndistan iri saýda jáne investitsiialyq áripteske ainalǵanyn atap ótti.
Búginde eki el arasynda ózara tiimdi seriktestik pen óte tyǵyz qarym-qatynas ornatylǵan. Táýelsizdik alǵan jyldardan beri Qazaqstanǵa Úndistannan 339,6 mln. AQSh dollaryn quraityn investitsiia tartylǵan. Al ótken jyly qos eldiń arasyndaǵy taýar ainalymy - 945,7 mln. AQSh dollaryn qurasa, onyń ishinde eksport - 733,2 mln. AQSh dollaryn, import - 2,12 mln AQSh dollaryn quraǵan.
Ońtústik Qazaqstan halqynyń tyǵyz ornalasý jaǵynan Qazaqstandaǵy alǵashqy oblystardyń biri ekenin aitqan óńir basshysy munda óndiristik jáne ekonomikalyq áleýeti mol agrarlyq-indýstriialyq aimaq ekenin jetkizdi. Sondyqtan da Ońtústik pen Úndistannyń óńirleri arasynda ózara tiimdi saýda-ekonomikalyq qatynastardy damytý jáne mádeni-gýmanitarlyq yntymaqtastyqty arttyrýǵa múmkindiktiń mol ekenine senim bildirdi.
Óz kezeginde Úndistan elshisi týrizm, mádeniet jáne bilim salasynda áriptestikti damytýǵa daiyn ekenin aityp, 2017 jyldyń sáýir aiynda Úndistan delegatsiiasy Ońtústik Qazaqstanda jumys saparymen bolǵanyn eske saldy. Maqta eksportyn damytý boiynsha quralǵan úndistandyq delegattar Ońtústik óńirindegi birqatar jeńil ónerkásip salasyndaǵy kásiporyndardyń jumysymen tanysqanyn aitqan elshi osy baǵytta da áriptestik ornatýǵa daiyn ekenin málim etti.
Sonymen qatar, osy kúni Úndistannyń Qazaqstandaǵy Tótenshe jáne ókiletti elshisi Prabhat Kýmardyń qatysýymen Shyment qalasyndaǵy dendrosaiabaqta aǵash otyrǵyzyldy.
OQO ákiminiń baspasóz qyzmeti
